7- Qysqy Azıada oıyndarynan keıin elimizde short-trek qarqyndy damı bastamaq
ASTANA. 4 aqpan. QazAqparat /Marlan Jıembaı/ - 7- Qysqy Azıada oıyndarynan keıin elimizde short-trek qarqyndy damı bastamaq. Bul týraly búgin elordadaǵy «Alaý» sport saraıynda ótken baspasó máslıhatynda Qazaqstannyń short-trekten qurama komandasynyń bas jattyqtyrýshysy Mádiǵalı Qarsybekov bildirdi.
Qazirgi ýaqytta elimizdiń soltústik óńirinde atalmysh sport túriniń damý deńgeıi tómen bolyp otyrǵandyǵyn basa aıtqan ol: «Short-trektiń tanymaldyǵy basqa óńirlerde tómen, ásirese, is júzinde soltústik aýmaqta damymaǵan. Degenmen belsendi jumystardyń bastalǵany birinshi jyl emes. Atyraý, Kókshetaý sport komıtetterimen arada short-trekti qolǵa alý máselesi týraly sóz boldy. Qazirgi ýaqytta Shymkent bul sport túrin damytýǵa kirise bastady», - dedi bas jattyqtyrýshy.
Onyń atap ótýinshe, 7-Qysqy Azıada oıyndarynda short-trekshilerimizdiń nátıjeli óner kórsetýiniń arqasynda elimizde bul sport túri qarqyndy damı túsetin bolady.
Jalpy, Azıada bastalar aldynda kópshilik, tipti Sport jáne týrızm mınıstriniń ózi de sporttyń bul túrinen sportshylarymyzdyń júldeli oryndardan kórinetindigine kúdikpen qaraǵan kórinedi. «Degemen biz dáleldedik. Oǵan sportshylarymyz jeńip alǵan 2 qola medal dálel bola alady. Biz short-trektiń qyr-syryn bilemiz ári jetik meńgergenbiz. ıAǵnı, sporshylarymyzǵa úıreterimiz mol», - dedi M.Qarsybekov.
Aıta keteıik, 2 aqpan kúni short-trekten 5 myń metr qashyqtyqta erler arasyndaǵy, sondaı-aq 3 myń metr qashyqtyqta áıelder arasyndaǵy estafetalyq jarysta Qazaqstan quramasy qola júldelerdi ıelengen bolatyn.
