7-Qysqy Azıada aıasynda ardager shańǵyshylardyń respýblıkalyq birinshiligi ótti - Aqmola oblysy
KÓKShETAÝ. 24 qańtar. QazAqparat /Janmurat Janaıdarov/ -Keshe Aqmola oblysyna qarasty Zerendi aýdanynda «Kókshetaý» ulttyq memlekettik park aýmaǵynda 7-Qysqy Azıada aıasynda ardager shańǵyshylar arasynda respýblıkalyq birinshilik márege jetti.
Shańǵyshylar qaýymdastyǵynyń tóraǵasy Máýlı Ábdirahmanovtyń aıtýynsha, bul joly dástúrli jarysqa elimizdiń ár túkpirinen elýge tarta úmitker qatysyp, baqtaryn synaǵan. Ardagerler klassıkalyq ádis boıynsha bes jáne on shaqyrymdyq qashyqtyqta jarys jolyna shyqty. Álemdik shańǵy saıystarynda bas báıgeni enshilep, elimizdiń dańqyn shyǵarǵan rýdnyılyq Ivan Garanın máre syzyǵyn birinshi bolyp kesse, odan keıin sál keshigińkirep kelgen jerlesi Vıktor Kosolapov pen Pavlodar qalasynyń ókili ıÝrıı Kovalev ekinshi jáne úshinshi oryndy enshiledi. Áıelder arasynda pavlodarlyq Márııam Eskendirova aldyna jan salmasa, zerendilik Valentına Kasıanova men Rýdnyı qalasynyń shańǵyshysy Tatıana Vorobeva keıingi júldeli oryndardan kórindi. Jeńimpazdar arnaıy dıplom jáne baǵalyı syılyqtarmen marapattaldy.
