7-qysqy Azıada alaýynyń estafetasy Býrabaı baýraıynda bastaý alyp, Kókshetaýda jalǵasty
KÓKShETAÝ. 22 qańtar. QazAqparat /Janmurat Janaıdarov/ - Búgin 7-qysqy Azıada alaýynyń estafetasy Aqmola oblysynyń Býrabaı aýdany men Kókshetaý qalasynda jalǵasyn tapty.
Býrabaı baýraıynda oblys ákimi Sergeı Dıachenko elimizdiń birqatar óńirlerin aralap jetken Alaýdy sherýge qatysýshy, shańǵydan Olımpıada chempıony Vladımır Smırnovqa, ol óz kezeginde 200 metrlik qashyqtyqtan soń aýdan ákimi Vladımır Balahontsevke tabystap, sherý Abylaıhan alańynda jalǵasty.
Kókshetaýda «Táýelsizdik» alańynda Azıada alaýyn qolyna alǵan qala ákimi Munarbek Batyrhanov mejeli qashyqtyqtan keıin Beıjiń olımpıadasynyń qola júldegeri Marııa Grabovetskaıaǵa, kıkboksıngten eki dúrkin álem chempıony Dıana Bilálovaǵa, sport jýrnalısi Qalymbek Muhamedjanovqa tabystady. Osylaısha Azıada jalaýyn esimi kópke belgili sportshy, mádenıet, ádebıet, qoǵam qaıratkerleri qoldan qolǵa ótkizip, Býrabaı qysqy sport kesheninde márege jetti. Býrabaı aýdanynda 30 alaý ustaýshy 9 myń metrdi, al oblys ortalyǵynda osynsha senimdi ókil 6 820 metrdi eńsergen. Azıada alaýy sherýine 17 myńǵa tarta jas býyn ókilderi, jergilikti turǵyndar atsalysyp, sport merekesine óz qoldaýlaryn bildiristi. Ásem kıimdi alaý ustaýshylar, qoldaryna el týyn jelbiretken jastar biraýyzdan «Alǵa, Qazaqstan!» desip, urandasty. Óz kezeginde «7-Azııa oıyndarynyń Alaý estafetasy» dırektsııasy basshysynyń orynbasary Sársen Quranbek aqmolalyqtardyń uıymshyldyǵyn, jastardyń sportqa degen súıispenshiligi joǵary ekenin aıta kele, jaqsy úrdis odan ári Pavlodar oblysynda jalǵasatynyn jetkizdi. Aqmolalyqtar Azıada alaýymen qımaı qoshtasyp, «Elordadada kezdeskenshe», - dep qol bulǵasty.
