7 qyrkúıekke arnalǵan aýa raıy boljamy
NUR-SULTAN. QazAqparat – Dúısenbi kúni elimizde tuman túsip, jańbyr jaýady, kún kúrkirep, naızaǵaı jarqyldaıdy, jel kúsheıedi, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, 7 qyrkúıekte Qazaqstannyń basym bóliginde soltústik jáne ońtústik tsıklondar áser etedi. Sondyqtan keı jerlerde naızaǵaı jarqyldap, jańbyr jaýady. Tek elimizdiń ońtústigi men batysynda kún raıy ashyq bolady. Sondaı-aq keı jerlerde tuman túsip, jel kúsheıedi, batysta kúshti jelmen shańdy daýyl soǵady.
Qostanaı, Shyǵys Qazaqstan oblystarynda, túnde jáne tańerteń Aqmolanyń keı jerlerinde tuman túsedi, kúndiz jel 15-20 m/s kúsheıedi.
Túrkistan, Almaty, Mańǵystaý, Atyraý, Qaraǵandy, kúndiz Soltústik Qazaqstan, Pavlodar oblystarynyń keı jerlerinde jel 15-20 m/s kúsheıedi.
Mańǵystaý jáne Atyraý oblystarynda shańdy daýyl soǵady.
Almaty, kúndiz Qaraǵandy oblystarynyń keı jerlerinde - naızaǵaı oınap, Jambyl oblysynyń keı jerlerinde tuman túsi múmkin.
Qaraǵandy oblysynyń keı jerlerinde mınýs 1-3 gradýs úsik júredi.
Atyraý, Qyzylorda oblystarynyń basym bóliginde, Qaraǵandy, Túrkistan oblystarynyń keı jerlerinde, Batys Qazaqstan oblysynyń ońtústiginde tótenshe órt qaýpi saqtalady.
