7 qyrkúıek. Týǵan kún ıeleri
ESІMDER
177 jyl buryn (1841-1918) halyq kompozıtory, ánshi-aqyn, kúıshi-dombyrashy Muhıt (Muhambetkereı) MERALYULY dúnıege keldi.
Batys Qazaqstan oblysynyń Qaratóbe aýdanynda týǵan. Ábilqaıyr áýletinen shyqqan, Qarataı sultannyń nemeresi. Onyń týǵan aǵalary Pańgereı, Sháńgereı, Saqypkereı, Jansha, Júsip ónerpaz adamdar bolǵan. Muhıt Orynbor, Qostanaı, Jamanqala (Orsk), Qazaly, Troıtsk, Aqtóbe, Aral, Atyraý óńirlerin aralap, «Ánshi Muhıt», «Sal Muhıt» atandy. Onyń «Dúnıe-aı», «Záýresh», «Pań kóılek», «Qypshaq», «Dóń asqan», «Kerbez» ánderi ánshilik óneriniń san qyrly tabıǵatyn ashady. Oıly da qýatty, názik te syrly, móldir lırızmge tunǵan ánderin asqan sheberlikpen oryndaı júrip, óziniń ánshilik dástúrin qalyptastyrdy. Aleksandr Zataevıch «Qazaq halqynyń 1000 áni» jáne «Qazaqtyń 500 án men kúıi» kitabynda Muhıtty «qazaqtyń Baıany» atap, Qazaqstannyń batysynda Muhıttyń shyǵarmashylyǵyn belgili án mektebi dep qaraý kerek» dep jazdy. Ol tek ánshi, aqyn ǵana emes, kúıshilik ónerimen de tanyldy. Boǵda, Esbaı, Tazbala, Sáýlebaı, Abyl kúılerin óte áserli oryndap, ózi de kúı shyǵardy. Muhıttyń ánshilik, aqyndyq, kúıshilik murasyn bizdiń zamanǵa balalary - Shoń men Náý, nemereleri - Shaıhy, Luqpan, Ǵubaıdolla jetkizdi. Qazaqstan kompozıtorlary Muhıttyń týyndylaryn ózderiniń shyǵarmalarynda keńinen paıdalandy. Evgenıı Brýsılovskıı Muhıttyń «Alýash» ánin «Jalbyr», «Úlken Orazyn» - «Qyz Jibek», «Dúnıe-aı» ánin «Er Tarǵyn» operalaryna paıdalandy.
99 jyl buryn (1919-1988) kúıshi-dombyrashy, Qazaq KSR halyq ártisi, Ekinshi dúnıejúzilik soǵysqa qatysýshy OMAROV Rústembek Beısenuly dúnıege keldi.
Pavlodar oblysynda týǵan. Lenıngradta (Sankt-Peterbýrg) mýzyka ýchılışesin, Almaty konservatorııasyn bitirgen. 1934 jyldan Qazaq halyq aspaptary orkestriniń dombyrashysy, kontsertmeısteri, solıst-dombyrashysy sonymen qatar konservatorııada sabaq berdi. Á.Esqalıev, Q.Ahmedııarov sııaqty kóptegen kúıshilerdi daıarlady. Qazaq halyq kúıleri murasyn, ásirese, Qurmanǵazy kúılerin, onyń oryndaýshylyq dástúrin jetik meńgergen.
70 jyl buryn (1948) medıtsına ǵylymynyń doktory, Qazaqstan Memlekettik syılyǵynyń laýreaty JAQYPOV Ýálıhan Ábýuly dúnıege keldi.
Ońtústik Qazaqstan oblysynda týǵan. Almaty medıtsına ınstıtýtyn (qazirgi Qazaq ulttyq medıtsına akademııasy) bitirgen. 1972 jyldan Qazaq KSR Densaýlyq saqtaý mınıstrligi Klınıkalyq jáne eksperımentaldyq hırýrgııa ǵylymı-zertteý ınstıtýtynda (qazirgi A.Syzǵanov atyndaǵy Hırýrgııa ǵylymı ortalyǵy) qan tamyrlary hırýrgııasy bóliminiń klınıkalyq ordınatory, hırýrgi, aǵa ǵylymı qyzmetkeri bolǵan. 1990 jyldan osy ǵylymı mekemeniń bólim meńgerýshisi. Ǵalymnyń negizgi ǵylymı jumystary qolqa jáne qan tamyrlary aýrýlaryn hırýrgııalyq jolmen emdeýge arnalǵan. Qolqanyń joǵary bóligi keńeıgende (qolqa anevrızmasy); keýde qýysyn ashyp, ishki organdardyń keńeıgen qantamyrlaryn qalpyna keltirý (torako-abdomınaldy anevrızm) operatsııalaryn jasaǵan alǵashqy hırýrgtardyń biri. Ol mıkroangıopatııany, ishki organdardyń qan aınalý júıesiniń buzylýyn, júıke qantamyrlarynyń jańadan paıda bolý belgisin, aıaqqa baratyn qantamyrlardyń bitelip qalýyn hırýrgııalyq tásilmen emdeýdi usyndy. «Hırýrgııada jańa tehnologııany zerttep, ony tájirıbege engizý» ǵylymı-zertteý jumysy avtorlarynyń biri. 100-ge jýyq ǵylymı eńbektiń, onyń ishinde 2 monografııanyń avtory.
64 jyl buryn (1954) QR Parlament Májilisiniń VI shaqyrylym depýtaty, Halyqaralyq ister, qorǵanys jáne qaýipsizdik komıtetiniń múshesi ChIRKOV Mıhaıl Vladımırovıch dúnıege keldi.
RF Krasnoıarsk ólkesiniń Rybın aýdany Irsha selosynda týǵan. 1977 jyly Sverdlovsk qalasyndaǵy A.M.Gorkıı atyndaǵy Oral memlekettik ýnıversıtetin bitirgen, jýrnalıst.
«Gornıtskaıa pravda» gazetiniń tilshisi bolyp jumys istegen (1977-1978); 1978-1979 jyldary - «Zvezda Prıırtyshıa» gazetiniń tilshisi. 1980-1981 jyldary - Korsakov muhıttan balyq aýlaý bazasynyń matrosy. 1981 jyly - «Tselınogradskaıa pravda» gazetiniń tilshisi. 1981-1985 jyldary - «Zvezda Prıırtyshıa» gazeti redaktsııasynyń tilshisi, bólim meńgerýshisi. 1985-1990 jyldary - Qaz TAG-tiń Pavlodar oblysy boıynsha menshikti tilshisi, bólim meńgerýshisi, bas redaktordyń orynbasary. 1990-1994 jyldary - QR Prezıdenti jáne Mınıstrler Kabıneti Apparatynyń konsýltanty, referenti, baspasóz qyzmetiniń konsýltanty. 1994-1995 jyldary - QR Mınıstrler Kabıneti baspasóz qyzmetiniń basshysy. 1995-1997 jyldary - QR Prezıdenti baspasóz qyzmetiniń konsýltanty. 1997-2003 jyldary - Aqmola qalasy ákimi apparatynyń sektor meńgerýshisi, aqparattyq-taldaý tobynyń basshysy - basshynyń orynbasary, bas ınspektory; 2003-2004 jyldary - QR Indýstrııa jáne saýda mınıstriniń keńesshisi, QR Indýstrııa jáne saýda mınıstrliginiń bólim bastyǵy, baspasóz hatshysy. 2005 j. qyrkúıek - jeltoqsan - QR Prezıdenti qyzmetine kandıdat N.Á.Nazarbaevty qoldaý jónindegi Respýblıkalyq qoǵamdyq shtab apparaty jetekshisiniń orynbasary. 2005-2008 jyldary - QR Prezıdenti Ákimshiligi basshysy hatshylyǵynyń bas sarapshysy. 2008 j. - «Nur Otan» HDP tóraǵasy birinshi orynbasarynyń keńesshisi. 2008-2009 jyldary - Qazaqstan Respýblıkasynyń Reseı Federatsııasyndaǵy Elshiliginiń keńesshisi. 2009 jylǵy qyrkúıek - 2014 jylǵy maýsym - QR Qorǵanys mınıstrligi BAQ-pen jumys jáne jurtshylyqpen baılanys jónindegi departamentiniń bastyǵy. 2014 jylǵy maýsym - 2014 jylǵy jeltoqsan - Qazaqstan Respýblıkasy Memlekettik hatshysy hatshylyǵynyń meńgerýshisi. 2014 jylǵy jeltoqsan - 2016 jylǵy naýryz - Astana qalasy ákiminiń keńesshisi.
2016 jylǵy 24 naýryzdan bastap VI saılanǵan QR Parlamenti Májilisiniń depýtaty, «Nur Otan» partııasynyń partııalyq tizimi boıynsha saılanǵan.
Attashe - dıplomatııalyq dárejesi bar.
«Qurmet» ordenimen, «Memlekettik qyzmet úzdigi» tósbelgisimen, «Eren eńbegi úshin» medalimen, birqatar mereıtoılyq medaldarmen marapattalǵan.
1986 jyly KOTA júıesinde Keńes Odaǵynyń úzdik tilshisi bolyp tanylǵan.
55 jyl buryn (1963) Qazaqstan Respýblıkasy Parlament MájilisiÁleýmettik-mádenı damý komıtetiniń qyzmetin qamtamasyz etý bóliminiń meńgerýshisi - MÁÝTENBAEVA Klara Azqanqyzy dúnıege keldi.
Qazaq memlekettik ýnıversıtetin bitirgen, zańger. 1985-1988 jyldary Almaty qalasy Sovet aýdandyq atqarý komıtetiniń Áleýmettik qamsyzdandyrý bóliminde ınspektor, aǵa ınspektor; 1988-1991 jyldary - Qazaq polıtehnıkalyq ınstıtýty fakýltetiniń komsomol komıtetiniń hatshysy, Almaty qalasy Kalının aýdandyq komsomol komıteti oqýshy jastar bóliminiń meńgerýshisi, aýdandyq komsomol komıtetiniń hatshysy; 1991-1996 jyldary - Qazaqstan Respýblıkasy Ádilet mınıstrliginiń Zańnamany nasıhattaý jáne júıeleý basqarmasynyń jetekshi konsýltanty, bas konsýltanty, Qoǵamdyq jáne dinı birlestikter isteri jónindegi basqarma bastyǵynyń orynbasary; 1996-2004 jyldary - Qazaqstan Respýblıkasy Parlamenti Senaty Apparatynyń Zańnama jáne quqyqtyq saraptaý bóliminiń konsýltanty, sektor meńgerýshisi; 2004-2013 jyldary - Qazaqstan Respýblıkasy Parlamenti Senaty Apparatynyń Zańnama jáne quqyqtyq reforma komıtetimen ózara baılanys jasaý, Ekonomıkalyq jáne óńirlik saıasat komıtetimen ózara baılanys jasaý, Saraptama, Halyqaralyq qatynastar, qorǵanys jáne qaýipsizdik komıtetimen ózara baılanys jasaý bólimderi meńgerýshisiniń orynbasary; 2013 jylǵy qyrkúıekten bastap - Qazaqstan Respýblıkasy Parlamenti Májilisi Apparatynyń Áleýmettik-mádenı damý komıtetiniń qyzmetin qamtamasyz etý bóliminiń meńgerýshisi. Qazaqstan Respýblıkasynyń Qurmet Gramotasymen, Qazaqstan Respýblıkasy Parlamenti Senatynyń Qurmet Gramotasymen, mereıtoılyq medaldarmen marapattalǵan.
47 jyl buryn (1971) SQO Aıyrtaý aýdanynyń ákimi ISMANOV Beıbit Qaıyrkeshuly dúnıege keldi.
Ol Almaty qalasynda týǵan. Eńbek jolyn 1988 jyly PMK-76 jumysshysy retinde bastady. «Avtomobılder jáne avtomobıl sharýashylyǵy» mamandyǵy boıynsha Soltústik Qazaqstan memlekettik ýnıversıtetin, Máskeý qalasyndaǵy qazirgi gýmanıtarlyq ınstıtýtyn «Quqyqtaný» mamandyǵy boıynsha bitirgen. 2016 jyly Reseı Federatsııasy Prezıdentiniń janyndaǵy halyq sharýashylyǵy jáne memlekettik qyzmet akademııasyn aıaqtady (memlekettik jáne mýnıtsıpaldyq basqarý magıstri). 2002 jyly Petropavl qalasy ákiminiń kómekshisi. 2003 jyly Petropavl qalasy ákimi apparatynyń basshysy bolyp taǵaıyndaldy. 2008 jyly «Soltústik Qazaqstan oblysynyń jolaýshylar kóligi jáne avtomobıl joldary basqarmasy» MM bastyǵynyń orynbasary laýazymyna taǵaıyndaldy. 2012-2018 jyldary Soltústik Qazaqstan oblysynyń jolaýshylar kóligi jáne avtomobıl joldary basqarmasy MM basshysy, SQO ákimdiginiń jolaýshylar kóligi jáne avtomobıl joldary basqarmasy basshysy. 2018 jyldyń aqpan aıynan bastap qazirgi qyzmetinde.
«Qurmet» ordenimen, Qazaqstan Respýblıkasy Táýelsizdiginiń 20 jyldyǵy, «Qazaqstan Konstıtýtsııasyna 20 jyl» merekelik medaldarymen, «Úzdik avtokólikshi» tós belgisimen marapattaldy.
44 jyl buryn (1974) Qazaqstan Respýblıkasy Bas Prokýrory apparatynyń basshysy ÓMІRÁLIEV Erbol Jumabaıuly dúnıege kelgen.
Ol Almaty oblysynda dúnıege kelgen.
Ál-Farabı atyndaǵy Qazaq memlekettik ulttyq ýnıversıtetin quqyqtaný mamandyǵy boıynsha jáne Qazaqstan Respýblıkasy Prezıdentiniń janyndaǵy Memlekettik qyzmet akademııasyn memlekettik qyzmet jónindegi menedjer mamandyǵy boıynsha aıaqtaǵan.
Eńbek jolyn 1996 jyly Qazaqstan Respýblıkasy Konstıtýtsııalyq Keńesi apparatynyń keńesshisi qyzmetinen bastaǵan.
2002 jyldan 2005 jylǵa deıin - Qazaqstan Respýblıkasy Premer-Mınıstri Keńsesiniń Zań bólimi sektorynyń meńgerýshisi, Zań bólimi meńgerýshisiniń orynbasary.
2005 jyldan 2015 jylǵa deıin - «Atameken» Qazaqstan kásipkerleri men jumys berýshileri jalpyulttyq Odaǵy» ZTB basqarmasy atqarýshy dırektorynyń keńesshisi, tóraǵa orynbasary, «KazAgro» Ulttyq holdıngi» AQ jáne «KazAgroFınans» AQ basqarýshy dırektory, «Ulttyq medıtsınalyq holdıng» AQ basqarama tóraǵasynyń orynbasary, «Transtelekom» AQ-nyń korporatıvtik damý jáne quqyqtyq máseleler jónindegi vıtse-prezıdenti.
2015 jyly - Qazaqstan Respýblıkasy Prezıdenti Ákimshiliginiń Memlekettik qyzmet jáne kadrlyq saıasat bóliminiń sektor meńgerýshisi.
2016 jyldyń 20 mamyrynan bastap - Qazaqstan Respýblıkasy Bas Prokýrory apparatynyń basshysy.