7 qyrkúıek kúni respýblıkanyń keı aımaǵynda jańbyr jaýady
ASTANA. QazAqparat - 7 qyrkúıek kúni Qazaqstannyń basym bóliginde atmosferalyq frontaldy bólikterdiń ótýine baılanysty keı jerlerde jańbyr jaýady, naızaǵaı bolady, uıytqymaly jel soǵady, tek ońtústikte, ońtústik-shyǵysta, ortalyqta jáne soltústik-shyǵysta jaýyn-shashynsyz aýa raıy kútiledi. Bul týraly QR ІІM TJK habarlady.
Batys pen ortalyqta túnde jáne tańerteń keı jerlerinde tuman kútiledi. Batys Qazaqstan, Soltústik Qazaqstan, Shyǵys Qazaqstan, kúndiz Aqmola, Mańǵystaý, Aqtóbe, Qostanaı oblystarynyń keı jerlerinde jel 15-20 m/s kúsheıedi. Atyraý oblysynda túnde jáne tańerteń keı jerlerde tuman bolady, kúndiz jel 15-18 m/s kúsheıedi. Qaraǵandy oblysynda túnde jáne tańerteń keı jerlerinde tuman kútiledi.
Kúndiz Almaty oblysynda qatty ystyq kútiledi. Atyraý, Qyzylorda, Ońtústik Qazaqstan, Qaraǵandy, Almaty oblystarynda, Jambyl, Aqtóbe, Batys Qazaqstan, Aqmola, Shyǵys Qazaqstan oblystarynyń keı jerlerinde óte joǵary órt qaýipi saqtalady.
