7 kúnge sozylǵan áskerı ushý taktıkalyq oqý-jattyǵýlar aıaqtaldy

ASTANA. QazAqparat - 7 qazan kúni «Saryshaǵan» polıgonynda Qazaqstan Respýblıkasy Áskerı-áýe kúshteri ekijaqty ushý taktıkalyq oqý-jattyǵýlarynyń sońǵy fazasy ótti, dep habarlaıdy QR QAÓ mınıstrligi baspasóz qyzmeti.

Oqý-jattyǵýlar 2016 jylǵa arnalǵan QR QK ÁQK Áskerı-áýe kúshterin daıarlaý josparyna sáıkes 2016 jylǵy qyrkúıektiń 30-y men qazannyń 7-i aralyǵynda áskerı avıatsııa ushý apparattarynyń barlyq tıpterin tarta otyryp, «Qazaqstan», «Qyzylaǵash», «Saryshaǵan» polıgondarynda ótkizildi



Oqý-jattyǵý barysynda ÁQK ÁÁK-niń áskerı bólimderin jaýyngerlik ázirliktiń joǵary dárejesine keltirý, jedel áýeaılaqtarǵa avıatsııany qaıta ornalastyra otyryp, áýeaılaqtardy kúzetý men qorǵaýdy uıymdastyrý máseleleri pysyqtaldy.

Oqý-jattyǵýdy ótkizý kezinde jeke quram jedel jáne jaýyngerlik qujattardy ázirleýde ózderiniń praktıkalyq mashyqtaryn jetildirdi. Oqý-jattyǵý shynaıy jaýyngerlik ahýalǵa jaqyndatylǵan jaǵdaıda oryndaldy. Oqý-jattyǵýdyń mindetteri:

- qabyldanǵan jaýyngerlik sheshimniń sátti iske asyrylýyn qamtamasyz etetin qajetti moraldyq-jaýyngerlik qasıetterdi qalyptastyra otyryp, úırenýshilerdiń taktıkalyq oılaý qabiletin damytý;

 

- joıǵysh-bombalaýshy jáne armııalyq avıatsııanyń boljaldy qarsylasynyń nysandary boıynsha toptyq avıatsııalyq soqqy jasaý, áýe urysyn júrgizý, sondaı-aq, joıǵysh avıatsııa qarsylasynyń áýeden shabýyldaýy men áýeden barlaýy quraldarynyń soqqylarynan áskerler men nysandardy tasalaý.

«Atalǵan oqý-jattyǵý ártúrli avıabazalarda eki aralas avıatsııalyq toptamanyń qurylýymen erekshelendi. Onda komandırler, olardyń shtabtary men jeke quramy is júzinde ózderiniń bilimderin, tájirıbeleri men ushý daǵdylaryn qoldana otyryp, áýede bir-birine qarsy jaýyngerlik is-qımyldardy júrgizdi. Atalmysh ushý taktıkalyq oqý-jattyǵý 2016 oqý jylynda Áskerı-áýe kúshteriniń jaýyngerlik ázirligi men jaýyngerlik qabilettiligin tekserýge negiz boldy», - dep ÁÁK qolbasshysy avıatsııa general-maıory Dáýren Qosanov atap ótti.

 

Oqý-jattyǵýdy ótkizý barysynda «áýe-áýe» klasyndaǵy zymyrandardan oryndalǵan áýe nysanalary synamadan oıdaǵydaı ótip, qoldanyldy. Zymyrandardyń atalǵan tıpi jaraqtandyrýdan alyndy jáne jańǵyrtý boıynsha belgili bir jumystardy oryndaǵannan keıin joıǵyshtardan basqarylatyn zymyrandardyń iske qosylýyn pysyqtaý úshin áýe mejeleri retinde paıdalanylady.