7 kompanııanyń IT-ónimi senimdi baǵdarlamalyq qamtylymnyń tizimine engizildi
Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev Facebook paraqshasynda jazdy, dep habarlaıdy QazAqparat tilshisi.
«Túrli kompanııalardyń taǵy 7 IT-ónimi senimdi baǵdarlamalyq qamtylymnyń tizilimine engizildi. Bul, shyn máninde, jaǵymdy jańalyq. «Memleket jeke kompanııalardyń derbes derekterdi qorǵaýyn, aqparattyq qaýipsizdik normalaryn saqtaýyn qalaı qadaǵalaýda?» dep menen únemi suraısyzdar. bul suraqty osy jerde, ıaǵnı Facebook áleýmettik jelisinde de qoıdyńyzdar. Joǵaryda atalǵan tizilim qaýipsizdik mehanızmderiniń biri»,- dedi mınıstr.
Onyń atap ótýinshe, tizilimge ený úshin kompanııalar, ózge de talaptarmen qatar, óz óniminiń aqparattyq qaýipsizdiktiń bekitilgen memlekettik talaptaryna sáıkes keletinin dáleldeýi jáne rastaýy tıis. Óıtkeni, osy softty satyp alatyn memlekettik organ nemese jeke kompanııa bolsyn, kez kelgen paıdalanýshy bul baǵdarlamalardyń sapasy men qaýipsizdigine senimdi bola alady.
«Osy joly «T&T Security» kompanııasynyń – «tLab» júıesi, «ArtaSoftware» JShS-niń Arta Synergy platformasy, «Kazdream Technologies» JShS-niń KıberStraj ónimi, «Platonus» kompanııasynyń «ESÝVO» jáne «Platonus College» ónimderi, «GeoKom Astana» JShS-niń GeoPortaly jáne «Documentolog» kompanııasynyń attas júıesi joǵary sapa standarttaryna sáıkestigin rastady.
Osylaısha, atalǵan tizilimge engen kompanııalardyń sany 16-ǵa jetti. IT-qoǵamdastyqty óz ónimderin osy Tizilimge engizýde belsendilik tanytyp, memleketten «senimdi» degen mártebege ıe bolýǵa shaqyramyn. Memleket tarapynan berilgen mundaı kepildik kompanııanyń jáne onyń ónimderiniń naryqtaǵy qunyna oń áser etetini sózsiz», - dedi Asqar Jumaǵalıev.