7 qyrkúıek. Kazinform kúntizbesi. Tulǵalar týǵan kúni

Erbol ÓMІRALIEV, Qazaqstan Respýblıkasy Joǵarǵy sotynyń sýdıasy

1974 jyly Almaty oblysynda dúnıege kelgen. Ál-Farabı atyndaǵy Qazaq memlekettik ulttyq ýnıversıtetin «Quqyqtaný» mamandyǵy boıynsha (1996), Qazaqstan Respýblıkasy Prezıdentiniń janyndaǵy Memlekettik qyzmet akademııasyn «Memlekettik basqarý» mamandyǵy boıynsha (2002) bitirgen.

Eńbek joly: QR Konstıtýtsııalyq keńesi apparatynyń aktiler men halyqaralyq sharttarǵa ǵylymı saraptama jasaý bóliminiń konsýltanty (1996-2002); QR Premer-mınıstri keńsesinde óndiristik emes sala jáne óńirlik damý máseleleri boıynsha Úkimet pen Premer-mınıstr aktilerimen jumys jónindegi sektor meńgerýshisiniń mindetin atqarýshy, Úkimet aktilerimen jumys jónindegi sektor meńgerýshisi, zań bólimi meńgerýshisiniń orynbasary (2002-2005); «Atameken» Qazaqstan kásipkerleri men jumys berýshileriniń jalpyulttyq odaǵy» ZTB atqarýshy dırektorynyń keńesshisi, basqarma tóraǵasynyń orynbasary (2005-2007); «QazAgro» ulttyq holdıngi» AQ basqarýshy dırektory (2007-2008); «QazAgroQarjy» AQ basqarýshy dırektory (2008-2010); «Ulttyq medıtsınalyq holdıng» AQ basqarma tóraǵasynyń orynbasary (2010-2011); «Transtelekom» AQ qarjy-ákimshilik máseleler jónindegi vıtse-prezıdentiniń mindetin atqarýshy, korporatıvtik basqarý jáne quqyqtyq máseleler jónindegi vıtse-prezıdentiniń mindetin atqarýshy, korporatıvtik basqarý jáne quqyqtyq máseleler jónindegi vıtse-prezıdenti (2011-2015); QR Prezıdenti Ákimshiliginiń kadr saıasaty sektory meńgerýshisiniń mindetin atqarýshy, kadr saıasaty sektorynyń meńgerýshisi (2015-2016); QR Bas prokýrory apparatynyń basshysy (2016-2018); QR Joǵarǵy soty janyndaǵy Sottardyń qyzmetin qamtamasyz etý departamenti basshysynyń orynbasary – Joǵarǵy sot apparatynyń basshysy (2018-2021).

Qazirgi qyzmetin 2021 jylǵy maýsymnan beri atqaryp keledi.

«Qurmet» ordenimen (2020), «Qazaqstan Respýblıkasynyń prokýratýrasyna 25 jyl», «Minsiz qyzmeti úshin», «Halyqaralyq yntymaqtastyqty damytýǵa qosqan úlesi úshin» medaldarymen marapattalǵan.

Mahambet HASENOV, Qazaqstan Respýblıkasy Quryltaıynyń depýtaty

1975 jyly Jambyl oblysynyń Jýaly aýdanynda dúnıege kelgen. Qazaq memlekettik basqarý akademııasyn «Halyqaralyq valıýta-qarjy qatynastary» mamandyǵy boıynsha (1997) bitirgen. Italııadaǵy ENI Corporate University Scuola Enrico Mattei-de «Energetıka jáne ekologııa salasyndaǵy menedjment jáne ekonomıka» (MEDEA) mamandyǵy boıynsha magıstratýrada oqyǵan (2001-2002).

Eńbek joly: «Almas ı M» JShS menedjeri (12.1995-11.1996); «Almas ı M» JShS Almatydaǵy ókildiginiń basshysy (11.1996-04.1998); «Mark» JShS bas dırektory (04.1998-03.1999); «Qazaqoıl» UMK Máskeýdegi ókildiginiń bas menedjeri (1999); QR Qarjy mınıstrligi Fıskaldyq saıasat jáne boljamdar departamenti Jobalar basqarmasynyń munaı-gaz jobalaryn salyqtyq saraptaý bóliminiń jetekshi ekonomısi (06.2000-02.2001); «Accept Corporation» JAQ damý bóliminiń bastyǵy, bıznesti damytý jónindegi dırektory (07.2002-12.2003); «Special Oil Projects» JShS bas dırektory (2003 jylǵy shildeden); «Neftebaza Almerek» JShS bas dırektory (2012 jylǵy qarashadan); «Standard» saqtandyrý kompanııasy» AQ basqarýshy dırektory (02.2013-12.2015); «Astana Banki» AQ vıtse-prezıdenti, Dırektorlar keńesiniń múshesi (06.2016-06.2018); Almaty qalasy Qoǵamdyq keńesiniń tóraǵasy (2025 jylǵy mamyrdan).

Qazirgi qyzmetin 2026 jylǵy tamyzdan beri atqaryp keledi.

Erlan MOLDAHMETOV, Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń Jetisý oblysy boıynsha departamentiniń bastyǵy

1976 jyly Almaty oblysy Jambyl aýdanynyń Aqterek aýylynda dúnıege kelgen. D.A.Qonaev atyndaǵy gýmanıtarlyq ýnıversıtetti «Zańger» mamandyǵy boıynsha, Joldasbekov atyndaǵy Mehanıka jáne mashına jasaý ınstıtýtynyń ekonomıka fakýltetin bitirgen. D.A.Qonaev atyndaǵy Eýrazııalyq zań akademııasynyń magıstratýrasynda bilim alǵan.

Eńbek joly: Almaty qalasy men Almaty oblysynyń prokýratýra organdarynda túrli qyzmet atqarǵan (2004-2020); Almaty oblysy Jambyl aýdany prokýrorynyń orynbasary; Almaty qalasy Alataý aýdany prokýrorynyń orynbasary; Almaty qalasy Medeý aýdany prokýrorynyń orynbasary; Almaty oblysy Іle aýdanynyń prokýrory; Almaty qalasynyń mamandandyrylǵan tabıǵat qorǵaý prokýrory (2020-2025).

Qazirgi qyzmetin 2025 jylǵy tamyzdan beri atqaryp keledi.

Nurǵalı ASQANBEKOV, Túrkistan oblysy prokýrorynyń orynbasary

1980 jyly Shymkent qalasynda dúnıege kelgen. Qazaq gýmanıtarlyq-zań ýnıversıtetin bitirgen.

Eńbek joly: Ońtústik Qazaqstan oblysynyń túrli aýdandyq prokýratýralarynda aýdan prokýrory qyzmetin atqarǵan; Túrkistan oblysy prokýratýrasynyń úkimderdiń oryndalýyn qadaǵalaý basqarmasynyń bastyǵy (11.2025-06.2026).

Qazirgi qyzmetin 2026 jylǵy maýsymnan beri atqaryp keledi.

Baýyrjan JANAEV, Túrkistan oblysy Polıtsııa departamenti bastyǵynyń orynbasary

1982 jyly dúnıege kelgen. Qazaq gýmanıtarlyq-zań ýnıversıtetin bitirgen.

Eńbek joly: Shymkent qalasynda tergeýshi (2004); oblystyq ishki ister departamentinde qyzmet atqarǵan (2007-2011); Maqtaaral aýdandyq ishki ister basqarmasy krımınaldyq polıtsııa bóliminiń bastyǵy, osy basqarma bastyǵynyń orynbasary (2012-2014); quqyq qorǵaý organdarynda jaýapty qyzmetter atqarǵan; Túrkistan oblysy Tólebı aýdany polıtsııa bóliminiń bastyǵy (2019-2022); Túrkistan qalasy polıtsııa basqarmasynyń bastyǵy (2022-2024); Jambyl oblysy Polıtsııa departamenti bastyǵynyń orynbasary (2024-2026).

Qazirgi qyzmetin 2026 jylǵy mamyrdan beri atqaryp keledi.

Almat JÚKEBAEV, Qazaqstan Respýblıkasy Quryltaıynyń depýtaty

1983 jyly Jezqazǵan oblysynyń Ulytaý aýdanynda dúnıege kelgen. L.N.Gýmılev atyndaǵy Eýrazııa ulttyq ýnıversıtetin «Keden isi» mamandyǵy boıynsha (2005), Qazaq qatynas joldary ýnıversıtetin «Injener-ekonomıst» mamandyǵy boıynsha (2007), M.V.Lomonosov atyndaǵy Máskeý memlekettik ýnıversıtetin «Memleket pen bıznesti basqarý» mamandyǵy boıynsha (2017) bitirgen.

Eńbek joly: QR Qarjy mınıstrligi Kedendik baqylaý komıtetiniń Astana qalasy boıynsha Kedendik baqylaý departamentinde maman, bas maman (2005-2009); QR Ekonomıka jáne bıýdjettik josparlaý mınıstrligi Salyq saıasaty departamentiniń sarapshysy (2009-2010); QR Qarjy mınıstrligi Keden saıasaty basqarmasynyń bastyǵy (2010-2011); QR Ulttyq ekonomıka mınıstrligi Keden saıasaty basqarmasynyń bastyǵy (2011); «QazMunaıGaz» AQ kedendik retteý jáne transferttik baǵa belgileý máseleleri jónindegi bas sarapshysy (2011-2020); «Respýblıkalyq ǵaryshtyq baılanys ortalyǵy» AQ Strategııalyq damý jáne jobalardy taldaý basqarmasynyń basshysy (2020); KPMG in Kazakhstan and Central Asia kedendik konsýltatsııalar tobynyń basshysy (2020-2022); «Ulytaý» ÁKK» AQ basqarma tóraǵasynyń orynbasary (2022-2023); «Ulytaý» ÁKK» AQ basqarma tóraǵasy (09.2023-04.2025); «GR Kenes» JShS dırektory.

Qazirgi qyzmetin 2026 jylǵy tamyzdan beri atqaryp keledi.

Muhıt (Muhambetkereı) MERALYULY, kompozıtor-kúıshi, dombyrashy, ánshi

1841 jyly Batys Qazaqstan oblysynda dúnıege kelgen. Ábilqaıyr han áýletinen shyqqan Qarataı sultannyń nemeresi.

Bala kezinen dombyra tartyp, toılarda, úlken jármeńkeler men bazarlarda án salǵan. Batys Qazaqstan, Orynbor, Jamanqala (Orsk), Qostanaı, Qazaly, Troıtsk, Aqtóbe jáne Aral óńirlerin aralaǵan. El arasynda «Ánshi Muhıt», «Sal Muhıt» atanǵan.

Boǵda, Esbaı, Tazbala, Sáýlebaı, Abyl kúılerin oryndap, ózi de kúı shyǵarǵan. «Pań kóılek», «Qypshaq», «Dóń asqan», «Kerbez» ánderi onyń daýys dıapazonynyń keńdigin jáne oryndaýshylyq sheberligin tanytty.

Aleksandr Zataevıch «Qazaq halqynyń 1000 áni» jáne «Qazaqtyń 500 áni men kúıi» kitaptarynda Muhıtty «qazaqtyń Baıany» dep atap, onyń shyǵarmashylyǵyn Batys Qazaqstandaǵy án óneriniń mektebi dep baǵalaǵan. Muhıt kúıleriniń birin Zataevıch notaǵa túsirgen.

Muhıttyń ónerdegi murasyn uldary Shoń men Náý, nemereleri Shaıhy, Luqpan jáne Ǵubaıdolla keıingi urpaqqa jetkizgen. Onyń ánder jınaǵy jaryq kórip, shyǵarmashylyǵy týraly zertteýler jarııalanǵan.

Qazaqstan kompozıtorlary Muhıt shyǵarmalaryn óz týyndylarynda keńinen paıdalanǵan. Evgenıı Brýsılovskıı «Alýash» ánin «Jalbyr», «Úlken Orazdy» «Qyz Jibek», «Dúnıe-aı» ánin «Er Tarǵyn» operasyna engizgen. Borıs Erzakovıch «Aınamkóz» ánin ishekti aspaptarǵa arnalǵan kvartetinde paıdalanǵan. Al Lev Shargorodskıı men Sergeı Shabelskıı «Záýresh» ánin «Sımfonettanyń» ekinshi bólimine mýzykalyq taqyryp etip alǵan.