7 qazannan bastap elordanyń keıbir kóshelerindegi qozǵalysqa shekteý qoıylady
ASTANA. QazAqparat - Kólik júretin jol bóligin keńeıtý jáne qaıta jaılastyrý jumystaryna baılanysty Astananyń keıbir kóshelerinde avtokólik qozǵalysyna tolyq jáne ishinara shekteý engiziledi, dep habarlaıdy elorda ákimdiginiń medıa ortalyǵy.
«JRK qurylysy aýmaǵyn daıyndaý barysynda Qaldaıaqov kóshesiniń kólik júretin bóligin keńeıtý jáne ınjenerlik jelilerin qaıta jaılastyrý jumystaryna baılanysty qazan aıynyń 7-18 aralyǵynda, Táýelsizdik dańǵyly men Qaldaıaqov kóshesiniń kıylysynda qozǵalysqa tolyqtaı, qazan aıynyń 7-sinen aıdyń sońyna deıin Qaldaıaqov kóshesiniń Taýelsizdik dańǵyly men Nájmedenov kóshesine, M-3 kópirine deıingi aralyǵyndaǵy qozǵalysqa ishinara shekteý engiziledi», - delingen habarlamada.
