7 qazan. Týǵan kún ıeleri

ESІMDER

67 jyl buryn (1951) akter, ánshi, Qazaqstanyń halyq ártisi, Qyrǵyzstannyń eńbek sińirgen ártisi, Qazaqstan Jastar odaǵy syılyǵynyń ıegeri Dosqan Qalıuly JOLJAQSYNOV  dúnıege keldi.

Shyǵys Qazaqstan oblysynyń Kúrshim aýdanynda týǵan. Almaty memlekettik óner ınstıtýtyn bitirgen. 1971 jyldan qazirgi Ǵ.Músirepov atyndaǵy balalar men jasóspirimder teatrynyń akteri. 1995-2001 jyldary osy teatrdyń dırektory ári kórkemdik jetekshisi bolǵan. Akter teatr sahnasynda jáne kınoda 200-den astam beıneni somdaǵan. Sonymen qatar halyq ánderi men qazirgi qazaq kompozıtorlary ánderin sheber oryndaýshy retinde keńinen tanymal. Joljaqsynov ulttyq kıno óneriniń damýyna óz úlesin qosyp, «Gaýhartas», «Daladaǵy qýǵyn», «Altyn kúz», «Ompa», «Aq barystyń urpaqtary», «Kóshpendiler», «Birjan sal» jáne t.b. fılmderge túsken.

65 jyl buryn (1953) Eýrazııalyq ekonomıkalyq komıssııanyń statıstıka departamentidırektorynyń orynbasaryıÝrıı Kamıruly ShOQAMANOV dúnıege keldi.

Qaraǵandyda týǵan. 1976 jyly Qaraǵandy polıtehnıkalyq ınstıtýtyn támamdaǵan. Ekonomıka ǵylymdarynyń doktory, professor. 

1992-1993 jyldary - Qazaqstan Respýblıkasy Prezıdenti Apparaty men Mınıstrler kabıneti apparatynda keńesshiden bastap sektor meńgerýshisine deıingi qyzmetterdi atqarǵan. 1994-2011 jyldary QR Statıstıka agenttigi tóraǵasynyń orynbasary, tóraǵasynyń birinshi orynbasary, jaýapty hatshysy. 2011-2012 jyldary QR Statıstıka agenttigi Ulttyq shottar departamentiniń dırektory. 2012-2016 jyldary - Eýrazııalyq ekonomıkalyq komıssııanyń Statıstıka departamentiniń dırektory.​

59 jyl buryn  (1959)Respýblıkalyq bıýdjettiń atqarylýyn baqylaý jónindegi Esep komıtetiniń múshesi Rashıt Saıranuly AHMETOV dúnıege keldi.

Almaty temirjol kóligi ınjenerleri ınstıtýtyn bitirgen. Injener-mehanık. Batys Qazaqstan oblysy Oral qalasynyń «Nurjanar» ashyq aktsıonerlik qoǵamynyń prezıdenti bolyp qyzmet istegen. Qazaqstan RespýblıkasyParlamenti Senatynyń depýtaty (2005 jyldan), Qarjy jáne bıýdjet komıtetiniń tóraǵasy boldy. Eýropadaǵy qaýipsizdik jáne yntymaqtastyq uıymynyń Parlamenttik Assambleıasy delegatsııasynyń múshesi, Avstrııa Respýblıkasy Federaldyq jınalysymen, Germanııa Federatıvtik Respýblıkasy Federaldyq Parlamentimen, Qytaı Halyq Respýblıkasy Halyq ókilderiniń búkilqytaılyq jınalysymen, Ulybrıtanııa jáne Soltústik Irlandııa Qurama Koroldigi Parlamentimen, Japonııa Keńesshiler palatasymen, Frantsýz Respýblıkasy Senatymen yntymaqtastyq toptarynyń múshesi boldy. Qazirgi qyzmetinde 2017 jylǵy maýsymnan beri. «Qurmet», «Parasat» ordenderimen, medaldarmen marapattalǵan.

59 jyl buryn  (1959) Qazaqstan Respýblıkasy ishki ister mınıstriniń orynbasary Rashıd Taýfıquly JAQYPOV dúnıege keldi.

Shyǵys Qazaqstan oblysynyń Samar aýylynda dúnıege kelgen. S.Kırov atyndaǵy Qazaq memlekettik ýnıversıtetin támamdaǵan. 1981 jyldyń qazany men 1995 jyldyń qarashasy aralyǵynda prokýratýra organdarynda qyzmette bolǵan. Memlekettik tergeý komıtetinde qyzmet atqarǵan. 1997 jyly ishki ister organdaryna qyzmetke aýysyp, ShQO ІІB Ózindik qaýipsizdik basqarmasynyń bastyǵy bolyp taǵaıyndaldy. Al, 1998 jyldan Shyǵys Qazaqstan, Aqmola oblystary ІІB, Kóliktegi Ońtústik-Shyǵys ІІD bastyqtarynyń orynbasary qyzmetterin atqardy. 2006-2011 jyldary ShQO ІІD bastyǵynyń orynbasary laýazymynda, 2011-2014 jyldary ShQO ІІD bastyǵy qyzmetin atqarǵan. 2014 jyldyń qyrkúıek aıynda QR Іshki ister mınıstriniń orynbasary bolyp taǵaıyndaldy.

51 jyl buryn (1967) Qazaqstan Respýblıkasy Ulttyq qaýipsizdik komıteti tóraǵasynyń orynbasary - QR UQK «A» arnaıy qyzmetiniń dırektory Ánýar Tóleýhanuly SADYQULOV dúnıege keldi.

Almaty qalasynda dúnıege kelgen.

1991 jylyAlmaty zooveterınar ınstıtýtyn bitirgen. 2000 jyly Abaı atyndaǵy Almaty memlekettik ýnıversıtetiniń zań fakýltetin úzdik támamdaǵan. 1985-1987 jyldary KSRO QK qatarynda merzimdik áskerı qyzmetten ótti. 1992 jyly QR Prezıdenti Kúzet qyzmetiniń áskerı qyzmetine alyndy. Qyzmetin QR Prezıdenti jeke kúzetiniń ár túrli ofıtserlik jáne basshylyq laýazymdarynda ótkergen. 2006 jyly QR Prezıdenti Kúzet qyzmeti bastyǵynyń orynbasary -jeke kúzet departamentiniń bastyǵy bolyp taǵaıyndaldy. 2012 jyly QR Prezıdenti Kúzet qyzmeti bastyǵynyń orynbasary - Prezıdent qaýipsizdigi qyzmetiniń bastyǵy laýazymyna taǵaıyndalǵan. 2013 jyly QR Prezıdenti Kúzet qyzmetiniń bastyǵy boldy. 2014 jyly Memleket basshysynyń ókimine sáıkes QR Memlekettik kúzet qyzmetiniń bastyǵy bolyp taǵaıyndaldy. 2014 jylǵy shildeden QR UQK Tóraǵasynyń orynbasary - «A» qyzmetiniń bastyǵy. 2-dárejeli «Aıbyn» jáne «Andropov» ordenderimen, 11 medalmen marapattalǵan.