7 qazan. Kazinform kúntizbesi. Tulǵalar týǵan kún

Dosqan JOLJAQSYNOV, akter, ánshi, Qazaqstanyń halyq ártisi, Qyrǵyzstannyń eńbek sińirgen ártisi, Qazaqstan Jastar odaǵy syılyǵynyń ıegeri

1951 jyly Shyǵys Qazaqstan oblysynyń Kúrshim aýdanynda týǵan. Almaty memlekettik óner ınstıtýtyn bitirgen.

1971 jyldan qazirgi Ǵ.Músirepov atyndaǵy balalar men jasóspirimder teatrynyń akteri, 1995-2001 jyldary osy teatrdyń dırektory ári kórkemdik jetekshisi bolǵan.

Akter teatr sahnasynda jáne kınoda 200-den astam beıneni somdaǵan. Sonymen qatar, halyq ánderi men qazirgi qazaq kompozıtorlary ánderin sheber oryndaýshy retinde keńinen tanymal. Joljaqsynov ulttyq kıno óneriniń damýyna óz úlesin qosyp, «Gaýhartas», «Daladaǵy qýǵyn», «Altyn kúz», «Ompa», «Aq barystyń urpaqtary», «Kóshpendiler», «Birjan sal» jáne t. b. fılmderge túsken.

«Eýrazııa» XVII Halyqaralyq kınofestıvalinde Dosqan Joljaqsynovqa «Qazaqstan kınematografyna qosqan zor úlesi úshin» marapaty berildi (2024).

Rashıt AHMETOV, Qazaqstannyń memleket jáne saıası qaıratkeri

1959 jyly Batys Qazaqstan oblysynda týǵan. Almaty temirjol kóligi ınjenerleri ınstıtýtyn bitirgen, ınjener-mehanık (1982), Batys Qazaqstan ınjenerlik-tehnologııalyq ýnıversıtetiniń menedjment jáne quqyq ınstıtýtyn, quqyqtaný (2002) bitirgen.

Eńbek joly: Qazaq energetıka ǵylymı-zertteý ınstıtýtynyń kollektsıoneri (1976-1977); Oral qalasyndaǵy vagon deposynyń brıgadıri, aǵa brıgadıri, bas mehanık, bastyǵynyń orynbasary, óndiristik-tehnıkalyq bóliminiń bastyǵy (1982-1990); Oral temirjol toraby partııa komıteti hatshysynyń orynbasary (1989-1990); «Alfa» shaǵyn kásipornynyń dırektorynyń orynbasary, bas brokeri (1990-1992); Oral mehanıkalyq zaýytynyń dırektorynyń orynbasary (1992-1994); Batys Qazaqstan oblysynyń Oral qalasyndaǵy «Nurjanar» ashyq aktsıonerlik qoǵamynyń prezıdenti (1994-1999); Qazaqstan Respýblıkasy Parlamenti Senatynyń depýtaty (1999-2005); Qazaqstan Respýblıkasy Parlamenti Senatynyń depýtaty, Ekonomıka, qarjy jáne bıýdjet komıtetiniń múshesi, Belarýs Respýblıkasy Parlamentimen, Kanada Senatymen, Frantsýz Respýblıkasy Senatymen yntymaqtastyq tobynyń múshesi (2005 jyldan bastap); QR Respýblıkalyq bıýdjettiń atqarylýyn baqylaý jónindegi Esep komıtetiniń múshesi (2017-2022); QR Joǵarǵy Esep palatasynyń múshesi (2022-2024); QR Parlamenti Senaty janyndaǵy Senatorlar keńesiniń múshesi.

«Qurmet» (2006) jáne «Parasat» (2014) ordenderimen; alty mereıtoılyq medalmen; TMD PAA Keńesiniń Qurmet gramotasymen (2010) marapattalǵan.

Konstantın AVERShIN, Qazaqstan Respýblıkasy Quryltaıynyń depýtaty

1976 jyly Taldyqorǵanda týǵan. Braıtondaǵy (Ulybrıtanııa) «Bellerbys» kolledjin bıznes jáne ekonomıka mamandyǵy boıynsha (1995); England polytechnic university (Kembrıdj) Eýropalyq bıznes jáne ekonomıka mamandyǵy boıynsha (1998); Reseı halyq sharýashylyǵy jáne memlekettik basqarý akademııasyn (2018) bitirgen.

Eńbek joly: «KEGOC» AAQ kommertsııalyq bóliminiń mamany (1998-1999); «Kedentransservıs» JAQ kommertsııalyq bóliminiń bas menedjeri (1999-2001); Europe Aviation aımaqtyq ókili (2009-2011); «Red Dragon Almaty» JShS negizin qalaýshy (2013 jyldan bastap); Almaty qalalyq máslıhatynyń VI jáne VII shaqyrylym depýtaty; Qazaqstan Respýblıkasy Parlamenti Májilisiniń VII shaqyrylym depýtaty, Qazaqstan Respýblıkasy Parlamenti Májilisindegi «AMANAT» partııa fraktsııasynyń múshesi (2022-2023); VIII shaqyrylymdaǵy Qazaqstan Respýblıkasy Parlamenti Májilisiniń depýtaty, Qazaqstan Respýblıkasy Parlamenti Májilisindegi «AMANAT» partııa fraktsııasynyń múshesi (2023-2026).

Qazirgi qyzmetine 2026 jyldyń tamyz aıynda kirisken.

«Ekonomıka maqtanyshy», «Qurmet» ordenderimen; «Qazaqstan Respýblıkasynyń táýelsizdigine 25 jyl», «Qazaqstan Konstıtýtsııasyna 25 jyl», «Qazaqstan máslıhattaryna 25 jyl», «Qazaqstan Respýblıkasynyń táýelsizdigine 30 jyl», «Arnaıy jasaqtaǵy qyzmeti úshin» medaldarymen; III dárejeli «UQK — KNB — Qazaqstan» tósbelgisimen marapattalǵan.

Azamat ESQARAEV, Qazaqstan Respýblıkasy Prezıdenti Ákimshiliginiń Memlekettik-quqyqtyq bóliminiń meńgerýshisi

1979 jyly Almatyda týǵan. Qazaq memlekettik zań akademııasyn bitirgen (2000).

Eńbek joly: Almaty ǵımarattardy kútip ustaý dırektsııasynda jumysshy (1996); Qazaqstan Respýblıkasy Ádilet mınıstrliginiń Zańnama departamentiniń jetekshi mamany, bas mamany jáne dırektory (2000-2014); Qazaqstan Respýblıkasy Premer-mınıstri Keńsesiniń zań bólimi meńgerýshisiniń orynbasary (2014-2019); Qazaqstan Respýblıkasy Premer-Mınıstri Keńsesiniń zań bóliminiń meńgerýshisi (2019-2023); Qazaqstan Respýblıkasynyń Ádilet mınıstri (2023-2025); Qazaqstan Respýblıkasynyń Úndistan Respýblıkasyndaǵy Tótenshe jáne Ókiletti Elshisi (2025-2026).

Qazirgi laýazymyn atqarýǵa 2026 jyldyń qazan aıynda kiristi.