7 qarashadan bastap Astanada avtobýs jolaǵyn paıdalaný tártibi ózgeredi
ASTANA. KAZINFORM — Astanada Abylaı han dańǵylyndaǵy avtobýs jolaǵynyń rejımine ózgeris engiziledi. Bul týraly Astana qalasy jol-kólik basqarmasy habarlady.
— Abylaı han dańǵylynyń A. Pýshkın kóshesinen Manas kóshesine deıingi ýchaskesinde 2026 jylǵy 7 qarashadan bastap avtobýs jolaǵynyń qoldanylý tártibine ózgerister engiziledi. 7.5.2 «Jumys kúnderi» qosymsha aqparat belgisi alynyp tastalady. Osyǵan baılanysty avtobýs jolaǵy kún saıyn, demalys jáne mereke kúnderin qosa alǵanda qoldanysta bolady. Bul rette avtobýs jolaǵynyń ýaqyttyq rejımi ózgerissiz qalady — saǵat 06:30-dan 20:00-ge deıin (7.5.4 «Qoldanylý ýaqyty» belgisi), — delingen habarlamada.
Vedomstvo júrgizýshilerge jol belgilerine nazar aýdaryp, olardyń talaptaryn jáne jol júrisi qaǵıdalaryn qatań saqtaýdy surady.
— Jol belgileriniń talaptaryn buzǵany úshin ákimshilik jaýapkershilik kózdelgen. Tirkelgen quqyq buzýshylyqtar boıynsha aıyppul salynady. Jolda muqııat bolyńyzdar! — dep eskertti basqarmadaǵylar.
Buǵan deıin Astananyń taǵy bir kóshesinde avtobýs jolaǵy engiziletinin jazdyq.
