7 qarasha. Tulǵalar týǵan kún
Búgin, 7 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
64 jyl buryn (1960) Qazaqstan Respýblıkasy Parlamenti Májilisiniń depýtaty Muqash Zulqarnaıuly ESKENDІROV dúnıege keldi.
Shymkent oblysy, Saıram aýdany, Chernovodsk (Qarasý) aýylynda týǵan. 1982 jyly Qazaq hımııa-tehnologııalyq ınstıtýtyn «Organıkalyq emes jáne mıneraldy tyńaıtqyshtar tehnologııasy» mamandyǵy boıynsha aıaqtaǵan. Atalǵan ınstıtýt janynda áskerı kafedrasyn aıaqtap, zapastaǵy aǵa leıtenant ataǵy berilgen.
Eńbek jolyn 1982 jyly Jambyl (Taraz) qalasy Jańa Jambyl fosfor zaýytyna jas maman retinde joldanyp, sary fosfor óndirý №5 tsehynyń aýysym sheberi bolyp bastaǵan. 1986 jyly sary fosfor óndirý №5 tsehynyń basshysy bolyp taǵaıyndalady. 1988 jyly zaýyttyń partııa uıymynyń hatshysy bolyp saılanady jáne ol jerde 1990 jylǵa deıin qyzmet atqarǵan. 1990 jyly №4 sary fosfor óndirý tsehynyń bastyǵy qyzmetine taǵaıyndaldy. 1992-1996 jyldary JańaJambyl fosfor zaýyty bas dırektorynyń taýar ótkizý jáne syrtqy ekonomıkalyq jumystar jónindegi orynbasary qyzmetin atqardy. 1996-1998 jyldary «Argo» JShS-niń Bas dırektory, 1998-1999 jyldary «JańaJambyl fosfor zaýyty» óndiris kooperatıviniń dırektory boldy. 1999 jyldan «Qazfosfat» JShS qurylǵannan keıin «Qazfosfat» JShS-i (JJFZ) fılıalynyń dırektory, 2000 jyly Kompaııanyń Marketıng jáne satý departamentiniń dırektory (Almaty qalasy), al 2002 jyldan bastap «Qazfosfat» JShS Basqarma tóraǵasynyń marketıng jáne taýar ótkizý jónindegi orynbasary, 2005-2021 jyldary «Qazfosfat» JShS-niń Bas dırektory qyzmetterin atqardy.
Qazirgi qyzmetin 2023 jyldyń naýryz aıynan bastap atqaryp jatyr.
Qazaqstannyń Eńbek Eri. Jambyl oblysy, Taraz qalasy, Jambyl aýdany, Túrkistan oblysy Saıram aýdanynyń Qurmetti azamaty ataqtaryna ıe. Medal, ordendermen marapattalǵan.
55 jyl buryn (1969) Almaty qalasy polıtsııa departamentiniń bastyǵy Arystanǵanı Rasylhanuly ZAPPAROV dúnıege kelgen.
Jambyl oblysynda týǵan. 1993 jyly Ál-Farabı atyndaǵy Qazaq memlekettik ulttyq ýnıversıtetin, 2002 jyly QR ІІM Akademııasynyń Zań ınstıtýtyn bitirgen.
Eńbek joly: 1993-2001 jyldary Jambyl, Almaty oblystarynyń ІІB, Almaty qalasynyń QІІB jedel quram laýazymyndarynda qyzmet atqarǵan. 2001-2010 jyldary Almaty oblysynyń jedel bólinisteriniń basshylyq laýazymdarynda jumys istegen, 2010-2012 jyldary Almaty oblysy ІІD Krımınaldyq polıtsııa basqarmasynyń bastyǵy, 2012-2013 jyldary Almaty qalasynyń jáne Aqmola oblysynyń ІІM qalalyq organdarynyń bastyǵy, 2013-2014 jyldary Kóliktegi ІІD Krımınaldyq polıtsııa basqarmasynyń bastyǵy, 2014-2016 jyldary QR ІІM Ózindik qaýipsizdik departamenti bastyǵynyń orynbasary, 2016-2017 jyldary Aqtóbe oblysynyń ІІD bastyǵynyń birinshi orynbasary, 2018-2019 jyldary QR Qazaqstan ІІM Esirtki qylmysyna qarsy is-qımyl departamentiniń bastyǵy, 2019 jyly Qyzylorda oblysy polıtsııa departamentiniń bastyǵy, 2019-2022 jyldary QR ishki ister mınıstriniń orynbasary. 2022 jyly – Almaty oblysy polıtsııa departamentiniń bastyǵy.
2022 jyldyń shilde aıynan bastap qazirgi qyzmetinde.
QR Іshki ister mınıstrliginiń qurmetti qyzmetkeri. «Aıbyn» ІІ-dárejeli ordenimen, «QR Konstıtýtsııasyna 20 jyl», «QR Táýelsizdigine 25 jyl» medaldarymen jáne vedomstvolyq medaldarymen marapattalǵan.
52 jyl buryn (1972) «Otbasy bank» AQ basqarma tóraıymy Lázzat Erkinqyzy IBRAGIMOVA dúnıege keldi.
Aqmola oblysynda týǵan. Aqmola aýyl sharýashylyǵy ınstıtýtyn, L.N.Gýmılev atyndaǵy Eýrazııa ulttyq ýnıversıtetin bitirgen.
Eńbek joly: 1995 jyly L.N.Gýmılev atyndaǵy Eýrazııa ulttyq ýnıversıtetiniń oqytýshysy. 1999-2004 jyldary ІІ shaqyrylǵan QR Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi, «Aqıqat» depýtattyq tobynyń jetekshisi. 2004-2009 jyldary «Damý» kásipkerlikti damytý qory» AQ qurylymdyq bólimsheleriniń basshysy. 2009 jylǵy qańtar-tamyz aılarynda «Samuryq-Qazyna» UÁQ» AQ qarjy ınstıtýttaryn jáne naryq ınstıtýttaryn basqarý jónindegi dırektsııanyń bas menedjeri. 2009 jyly «Damý» kásipkerlikti damytý qory» AQ basqarma tóraǵasynyń orynbasary. 2011-2016 jyldary «Damý» kásipkerlikti damytý qory» AQ basqarma tóraǵasy. 2016-2017 jyldary «Báıterek» Ulttyq basqarýshy holdıngi tóraǵasynyń orynbasary. «Qazaqstannyń turǵyn úı qurylys jınaq banki» AQ basshysy, «Otbasy Banki» AQ Dırektorlar keńesiniń múshesi, basqarma tóraǵasy qyzmetterin atqardy.
2020 jyldyń mamyr aıynan bastap qazirgi qyzmetinde.
«Parasat», «Qurmet belgisi» ordenderimen, medaldarmen, sonyń ishinde «Naıramdal» (Mońǵolııa) medalimen marapattalǵan.
52 jyl buryn (1972) Qaraǵandy qalasynyń ákimi Meıram Muratuly KOJÝHOV dúnıege keldi.
Qaraǵandy oblysynyń Saran qalasynda týǵan. 2004 jyly D.A.Qonaev atyndaǵy ýnıversıtetti «quqyqtaný» mamandyǵy boıynsha, 2008 jyly Qaraǵandy memlekettik tehnıkalyu ýnıversıtetin «Ónerkásiptik, azamattyq qurylys jáne qala sharýashylyǵy mamandyǵy boıynsha bitirgen.
Eńbek jolyn 1992 jyly"M. K-Lıýks" JShS atqarýshy dırektory laýazymynan bastady. 2001 jyldan bastap memlekettik qyzmette. 2001-2005 jyldary Saran qalasynyń Mádenıet, jastar saıasaty, sport jáne týrızm bóliminiń bas mamany laýazymyn atqardy. 2005-2010 jyldary Aqtas kentiniń ákimi, 2010-2018 jyldary Saran qalasy ákiminiń orynbasary, 2018-2022 jyldary Qaraǵandy qalasy Álıhan Bókeıhan aýdanynyń ákimi, 2022-2023 jyldary Qaraǵandy qalasy ákiminiń orynbasary laýazymyn atqarǵan.
Qazirgi qyzmetin 2023 jyldyń qańtarynan bastap atqaryp keledi.
49 jyl buryn (1975) Qazaqstan Respýblıkasynyń Vetnam Sotsıalıstik Respýblıkasyndaǵy Tótenshe jáne Ókiletti Elshisi Qanat Qobylandyuly TÝMYSh dúnıege kelgen.
Aqtóbe qalasynda týǵan. 1997 jyly Ál-Farabı atyndaǵy Qazaq ulttyq ýnıversıtetin halyqaralyq ekonomıkalyq qatynastar bakalavri, 1999 jyly Ál-Farabı atyndaǵy Qazaq ulttyq ýnıversıtetin halyqaralyq ekonomıkalyq qatynastar magıstri dárejesimen bitirgen.
Eńbek joly: 1997-1998 jyldary QR Syrtqy ister mınıstrligi Memlekettik protokol basqarmasynda referent, attashe, 1998-1999 jyldary QR Syrtqy ister mınıstrliginiń Kópjaqty ekonomıkalyq yntymaqtastyq departamentiniń Kópjaqty yntymaqtastyq departamentiniń úshinshi hatshysy, 1999-2001 jyldary QR Túrkııadaǵy Konsýldyǵynda vıtse-konsýl, 2001-2003 jyldary QR Túrkııadaǵy Konsýldyǵynda Elshiniń kómekshisi, baspasóz hatshysy, 2003 jyly QR Syrtqy ister mınıstrliginiń Kópjaqty ekonomıkalyq yntymaqtastyq departamentiniń Kópjaqty yntymaqtastyq departamentiniń ekinshi hatshysy, 2003-2005 jyldary QR Ortalyq jáne Shyǵys Eýropa elderindegi Elshiliginiń konsýldyq bólimniń meńgerýshisi, 2005-2006 jyldary QR Syrtqy ister mınıstrliginiń Kópjaqty ekonomıkalyq yntymaqtastyq departamentiniń Kópjaqty yntymaqtastyq departamentiniń birinshi hatshysy, 2006-2007 jyldary QR Syrtqy ister mınıstrliginiń Azııalyq yntymaqtastyq basqarmasynde keńesshi, bólim basshysy, 2007-2009 jyldary QR Syrtqy ister mınıstrliginiń Jalpyazııalyq yntymaqtastyq departamentiniń Azııadaǵy qaýipsizdik basqarmasynyń basshysy, 2009-2010 jyldary QR Syrtqy ister mınıstrliginiń Jalpyazııalyq yntymaqtastyq departamenti dırektorynyń orynbasary, 2010-2014 jyldary «Azııadaǵy ózara is-qımyl jáne senim sharalary keńesi» halyqaralyq uıymy Atqarýshy dırektorynyń orynbasary, 2014-2015 jyldary QR syrtqy ister mınıstriniń keńesshisi; 2015-2016 jyldary QR BUU janyndaǵy Turaqty Ókildiginde keńesshi-ýákil, 2016-2019 jyldary QR BUU janyndaǵy Turaqty Ókiliniń orynbasary, 2019-2023 jyldary Ońtústik Afrıka Respýblıkasyndaǵy Tótenshe jáne Ókiletti Elshisi, 2023 jyly QR Syrtqy ister mınıstriniń orynbasary qyzmetine taǵaıyndaldy.
2023 jyldyń tamyz aıynan bastap qazirgi qyzmetinde.
«Qazaqstan halqy Assambleıasyna 20 jyl», «Halyqaralyq áskerı dostastyqty damytqany úshin», «QR dıplomatııalyq qyzmetine 25 jyl», t.b. kóptegen medaldarmen, gramotalarmen marapattalǵan.
46 jyl buryn (1978) «KAZENERGY» qazaqstandyq munaı-gaz jáne energetıkalyq keshen uıymdary qaýymdastyǵynyń tóraǵasy Maǵzum Maratuly MYRZAǴALIEV dúnıege keldi.
Almaty qalasynda týǵan. «Turan» ýnıversıtetin, Syrtqy ister mınıstrliginiń dıplomatııa akademııasyn, Sh.Esenov atyndaǵy Qazaq memlekettik tehnologııa jáne ınjınırıng ýnıversıtetin bitirgen.
Eńbek joly: 2001-2004 jyldary Teńiz jáne Batys Sibir kenishterinde «MIDrillingFluidsInternational» (Schlumberger) burǵylaý eritindileri jónindegi ınjener, 2004-2007 jyldary «MIDrillingFluidsInternational» Aqtaý fılıalynda bıznesti damytý menedjeri, óndiris jónindegi menedjer, fılıal basshysy. 2007-2010 jyldary «QazMunaıGaz» UK» AQ «TeńizServıs» JShS bas dırektory, 2010-2012 jyldary «QazMunaıGaz» UK» AQ basqarýshy dırektory, 2010-2013 jyldary «QazMunaıGaz» UK» AQ basqarma tóraǵasynyń ınnovatsııalyq damytý jáne servıstik jobalar jónindegi orynbasary, 2013-2014 jyldary QR munaı gaz vıtse-mınıstri, 2014-2019 jyldary QR energetıka vıtse-mınıstri, 2019-2021 jyldary QR ekologııa, geologııa jáne tabıǵı resýrstar mınıstri, 2021-2022 jyldary QR energetıka mınıstri, 2022 jyly QR Prezıdentiniń keńesshisi qyzmetterin atqardy. 2022-2024 jyldary «QazMunaıGaz» Ulttyq kompanııasy» AQ basqarma tóraǵasy, dırektorlar keńesiniń múshesi boldy.
34 jyl buryn (1990) Qazaqstan Respýblıkasy Strategııalyq josparlaý jáne reformalar agenttigi tóraǵasynyń orynbasary Oljas Aıazbıuly TÓLEÝOV dúnıege keldi.
Qaraǵandy oblysynda týǵan.·Ál-Farabı atyndaǵy Qazaq Ulttyq ýnıversıtetiniń Ekonomıka jáne bıznes joǵary mektebin, Qazaqstan Respýblıkasy Ulttyq Bankiniń magıstratýrasyn bitirgen.
Eńbek joly: 2012-2013 jyldary Qaraǵandy oblysy Balqash qalasynyń kommýnaldyq qyzmetterinde jumys istegen, 2013-2015 jyldary AERC bıznes taldaýshysy, 2015-2018 jyldary QR Ulttyq Bankiniń Ǵylymı-zertteý jáne statıstıka departamentiniń taǵylymdamasy, jetekshi taldaýshysy, bas taldaýshysy qyzmetinde boldy. 2018-2020 jyldary Qoldanbaly ekonomıkalyq zertteýler ortalyǵy dırektorynyń orynbasary, basqarýshy dırektory, 2020 jyly QR Eńbek jáne halyqty áleýmettik qorǵaý mınıstrligi janyndaǵy «Adam resýrstaryn damytý ortalyǵy» AQ vıtse-prezıdenti, 2020-2022 jyldary Qazaqstan Ulttyq Banki Tóraǵasynyń keńesshisi laýazymyn atqarǵan.
Qazirgi qyzmetin 2022 jyldyń sáýir aıynan beri atqaryp keledi.
148 jyl buryn (1876-1934) qazaq zııalylarynyń biri, Alashorda úkimetiniń múshesi, qazaqtyń tuńǵysh zań magıstri Jaqyp AQBAEV dúnıege kelgen.
Semeı oblysy Qarqaraly ýezi Berikqara bolysy, №3 aýylynyń Tóńirektas degen jerinde dáýletti otbasynda týǵan. 1886 jyly Qarqaraly qalasyndaǵy qazaq ınternatynda oqyp, 1889 jyly Omby gımnazııasyna túsip, onda 7 jyl, onan keıin Tomsk gımnazııasyna aýysyp, onda bir jyl oqyp, 1898 jyly bitirip shyǵady da, Sankt-Peterbýrg ýnıversıtetiniń zań fakýltetine túsedi. 1903 jyly І dárejeli dıplommen bitirip shyǵady. JOO-da oqyp júrgende ilim-bilimniń ár salasyn meńgerýge talaptanady. Adamnyń este ustaý qabileti men faktilerdi eksheleýdiń ádis-tásilderin jete meńgerý úshin Odessa qalasyndaǵy mnemonıka professory S.Faınshteınnen dáris tyńdaýǵa jáne Sankt-Peterbýrgtegi Arheologııa ınstıtýtyna oqýǵa túsýge ýnıversıtet basshylaryna ótinish te jazady. Memlekettik synaq komıssııasynda «Qazaqtardyń nekelik quqyǵy» atty taqyrypty qorǵaýǵa bekitedi.
Keıin osy taqyrypty túrmede otyrǵanda ary qaraı jalǵastyryp, keńeıtip, 1907 jyly Orys geografııalyq qoǵamynyń Semeı bólimshesiniń jazbalarynda jarııalaıdy. JOO bitirisimen Omby sot palatasyna qyzmetke turady. 1905 jylǵy tamyzda Omby qalasyndaǵy 2-ýchaskeniń bitimshi soty bolady. Keńes ókimeti ornaǵan soń ol Semeı gýbrevkomynyń zań bóliminde jumys istep, onyń «etene aralasýymen gýbernııa boıynsha sot-tergeý ýchaskeleri qurylady». Biraz ýaqyt Semeı keńestik halyq sotynyń múshesi bolady, Qarqaraly ýezdik halyqqa bilim berý bóliminde jáne Semeıde ár túrli qyzmetter atqarady. Aqbaev basqa da Alash qaıratkerleri sııaqty stalındik zobalańǵa túsip, Voronejge jer aýdarylyp, ol jaqtan aýrýyna baılanysty elge qaıtarylyp, 1934 jyly 4 shildede Almatyda qaıtys boldy.
