7 qarasha kúni Astananyń eski vokzalynyń avtoturaǵyna kirý tegin bolady
ASTANA. QazAqparat - Eski temirjol vokzalynyń avtoturaǵyna kirý ýaqytsha tegin bolady, dep jazdy Astana LRT Facebook-tegi resmı paraqshasynda.
2017 jylǵy 7 qarasha kúni 09:00-den 23:00-ge deıin Astana qalasynyń eski temirjol vokzalynyń kólik turaǵy aýmaǵynda kólik turaǵyna tólem qabyldaý júıesinde jóndeý jumystary júrgiziledi. «Osyǵan oraı turaqqa kirý jáne shyǵý joldary ashyq bolady, ıaǵnı shlagbaýmdar kóterýli turady, kólik qozǵalysy shektelmeıdi», - delingen kompanııanyń habarlamasynda.
Kompanııa turǵyndardan turaqqa kirý nemese shyǵýǵa baılanysty qıyndyqtar týyndasa, sondaı-aq basqa da máseleler jóninen 574-777 nómirine habarlasýyn suraıdy.
