7 qarasha. Kazinform kúntizbesi. Tulǵalar týǵan kún

Arystanǵanı ZAPPAROV, Túrkistan oblysy Polıtsııa departamentiniń bastyǵy

1969 jyly Jambyl oblysynda dúnıege kelgen. Ál-Farabı atyndaǵy Qazaq memlekettik ýnıversıtetin jáne QR ІІM akademııasynyń zań ınstıtýtyn bitirgen.

Eńbek joly: 1993-2001 jyldary Jambyl, Almaty oblystarynyń ishki ister basqarmalarynda jáne Almaty qalalyq ishki ister bas basqarmasynda jedel qyzmetter atqarǵan. 2001-2010 jyldary Almaty oblysy Іshki ister departamentiniń jedel bólimshelerinde basshylyq qyzmetterde bolǵan. 2010-2012 jyldary Krımınaldyq polıtsııa basqarmasynyń bastyǵy, 2012-2013 jyldary Almaty jáne Aqmola oblystaryndaǵy qalalyq ishki ister organdarynyń bastyǵy, 2013-2014 jyldary Kóliktegi ishki ister departamenti Krımınaldyq polıtsııa basqarmasynyń bastyǵy boldy. 2014-2016 jyldary QR ІІM Ózindik qaýipsizdik departamenti bastyǵynyń orynbasary, 2016-2017 jyldary Aqtóbe oblysy Іshki ister departamenti bastyǵynyń birinshi orynbasary, 2018-2019 jyldary QR ІІM Esirtki qylmysyna qarsy is-qımyl departamentiniń bastyǵy mindetin atqardy. 2019 jylǵy sáýir-shilde aralyǵynda Qyzylorda oblysy Polıtsııa departamentiniń bastyǵy, 2019-2022 jyldary QR ishki ister vıtse-mınıstri, 2022 jylǵy qańtar-shilde aralyǵynda Almaty oblysy Polıtsııa departamentiniń bastyǵy, 2022-2026 jyldary Almaty qalasy Polıtsııa departamentiniń bastyǵy boldy.

Qazirgi qyzmetin 2026 jylǵy qańtardan beri atqaryp keledi.

Aıdar ÁBІLDABEKOV, QR Saýda jáne ıntegratsııa mınıstrligi Tehnıkalyq retteý jáne metrologııa komıtetiniń «Ulttyq akkredıtteý ortalyǵy» ShJQ RMK bas dırektory

1970 jyly dúnıege kelgen. E.Bóketov atyndaǵy Qaraǵandy memlekettik ýnıversıtetin jáne Halyqtar dostyǵy Qazaq ınjenerlik-pedagogıkalyq ýnıversıtetin quqyqtaný mamandyǵy boıynsha bitirgen.

Eńbek joly: 1998-2009 jyldary QR keden organdarynda ınspektor, aǵa ınspektor, bas ınspektor, keden beketi bastyǵynyń orynbasary jáne bólim bastyǵy qyzmetterin atqarǵan. 2009-2010 jyldary QR Statıstıka agenttigi departamentiniń statıstıka basqarmasynyń bastyǵy, departament bastyǵynyń orynbasary, 2010-2013 jyldary Ońtústik Qazaqstan oblysy boıynsha Statıstıka departamentiniń bastyǵy bolǵan. 2013-2018 jyldary QR Ulttyq ekonomıka mınıstrligi Statıstıka komıtetiniń Ońtústik Qazaqstan oblysy boıynsha Statıstıka departamentiniń basshysy, 2018-2021 jyldary QR Ulttyq ekonomıka mınıstrligi Statıstıka komıtetiniń Túrkistan oblysy boıynsha Statıstıka departamentiniń basshysy, 2021-2022 jyldary QR Strategııalyq josparlaý jáne reformalar agenttigi Ulttyq statıstıka bıýrosynyń Almaty qalasy boıynsha departamentiniń basshysy qyzmetin atqarǵan. 2022 jyly QR Saýda jáne ıntegratsııa mınıstrligi Saýda komıteti tóraǵasynyń orynbasary, 2022 jylǵy qarasha men 2023 jylǵy shilde aralyǵynda Saýda komıteti tóraǵasynyń mindetin atqardy. 2023 jylǵy shilde — 2025 jylǵy tamyz aralyǵynda Saýda komıtetiniń tóraǵasy, 2025-2026 jyldary QR Saýda jáne ıntegratsııa vıtse-mınıstri boldy.

Qazirgi qyzmetin 2026 jyldyń qazan aıynan beri atqaryp keledi.

Lázzat IBRAGIMOVA, «Otbasy bank» AQ basqarma tóraǵasy

1972 jyly Aqmola oblysynda dúnıege kelgen. 1994 jyly Aqmola aýyl sharýashylyǵy ınstıtýtyn, 2003 jyly L. N. Gýmılev atyndaǵy Eýrazııa memlekettik ýnıversıtetin, 2018 jyly Nazarbaev Ýnıversıtetiniń Executive MBA baǵdarlamasyn bitirgen. 2003 jyly ekonomıka ǵylymdarynyń kandıdaty atanǵan.

Eńbek joly: 1995-2004 jyldary L. N. Gýmılev atyndaǵy Eýrazııa memlekettik ýnıversıtetiniń oqytýshysy, 2004-2009 jyldary «Damý» kásipkerlikti damytý qory» AQ qurylymdyq bólimsheleriniń basshysy bolǵan. 2009 jyly «Samuryq-Qazyna» UÁQ» AQ Qarjy ınstıtýttary men damý ınstıtýttaryn basqarý dırektsııasynyń bas menedjeri, 2009-2011 jyldary «Damý» kásipkerlikti damytý qory» AQ basqarma tóraǵasynyń orynbasary qyzmetin atqardy. 2011-2016 jyldary osy qordyń basqarma tóraǵasy, 2016-2017 jyldary «Báıterek» ulttyq basqarýshy holdıngi» AQ basqarma tóraǵasynyń orynbasary boldy. 2017 jyldan bastap «Qazaqstannyń turǵyn úı qurylys jınaq banki» AQ basshysy, 2022 jyldan bastap qaıta saılanyp, «Otbasy bank» AQ dırektorlar keńesiniń múshesi ári basqarma tóraǵasy qyzmetin atqarady. 2022 jyly QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi, 2016 jyly «QazEksportGarant» eksporttyq-kredıttik saqtandyrý korporatsııasy» AQ dırektorlar keńesiniń tóraǵasy, 2016 jyly «Qazaqstan ıpotekalyq kompanııasy» ıpotekalyq uıymy» AQ dırektorlar keńesiniń tóraǵasy boldy.

2020 jylǵy mamyrdan bastap «Otbasy bank» AQ basqarma tóraǵasy qyzmetin atqarady. 2022 jylǵy aqpanda bul qyzmetke qaıta saılanǵan.

Meıram KOJÝHOV, Qaraǵandy qalasynyń ákimi

1972 jyly Qaraǵandy oblysy Saran qalasynda dúnıege kelgen. 2004 jyly D. A. Qonaev atyndaǵy ýnıversıtetti quqyqtaný mamandyǵy boıynsha, 2008 jyly Qaraǵandy memlekettik tehnıkalyq ýnıversıtetin ónerkásiptik jáne azamattyq qurylys, qala sharýashylyǵy mamandyǵy boıynsha bitirgen.

Eńbek joly: 1992 jylǵy qyrkúıek — 1994 jylǵy qańtar aralyǵynda «MK-LıÝKS» JShS atqarýshy dırektory boldy. 1999 jylǵy qańtar — 2001 jylǵy naýryz aralyǵynda kásipkerlikpen aınalysqan. 2001 jylǵy naýryz — 2005 jylǵy aqpan aralyǵynda Saran qalasynyń mádenıet, jastar saıasaty, sport jáne týrızm bóliminiń bas mamany, 2005 jylǵy maýsym — 2010 jylǵy shilde aralyǵynda Aqtas kentiniń ákimi, 2010 jylǵy shilde — 2018 jylǵy shilde aralyǵynda Saran qalasy ákiminiń turǵyn úı-kommýnaldyq sharýashylyq, kólik jáne baılanys máseleleri jónindegi orynbasary qyzmetin atqardy. 2018 jylǵy shilde — 2022 jylǵy naýryz aralyǵynda Qaraǵandy qalasy Oktıabr aýdanynyń ákimi, 2022 jylǵy naýryz — 2023 jylǵy qańtar aralyǵynda Qaraǵandy qalasy ákiminiń orynbasary boldy.

Qazirgi qyzmetin 2023 jylǵy qańtardan beri atqaryp keledi.

Qanat TÝMYSh, Qazaqstan Respýblıkasynyń Vetnam Sotsıalıstik Respýblıkasyndaǵy Tótenshe jáne Ókiletti Elshisi

1975 jyly Aqtóbe qalasynda dúnıege kelgen. 1997 jáne 1999 jyldary ál-Farabı atyndaǵy Qazaq ulttyq ýnıversıtetin halyqaralyq ekonomıkalyq qatynastar mamandyǵy boıynsha bitirgen.

Eńbek joly: 1997-1998 jyldary QR Syrtqy ister mınıstrliginiń ortalyq apparatyndaǵy Memlekettik protokol bas basqarmasynda qyzmet atqarǵan. 1998-1999 jyldary Kópjaqty yntymaqtastyq jáne halyqaralyq ekonomıkalyq yntymaqtastyq departamentterinde óńirlik ózara is-qımyl men kooperatsııa máselelerimen aınalysqan. 1999-2003 jyldary Qazaqstannyń Ystanbuldaǵy vıtse-konsýly, Túrkııanyń Ankara qalasyndaǵy Qazaqstan elshisiniń kómekshisi ári elshiliktiń baspasóz hatshysy boldy. 2003-2005 jyldary Qazaqstannyń Vengrııadaǵy konsýly, sondaı-aq Ortalyq jáne Shyǵys Eýropanyń birqatar elindegi konsýly qyzmetin qosa atqarǵan. 2005-2007 jyldary QR Syrtqy ister mınıstrliginiń ortalyq apparatynda Kópjaqty yntymaqtastyq departamenti Halyqaralyq qaýipsizdik basqarmasynyń birinshi hatshysy, keńesshi jáne Azııa yntymaqtastyǵy basqarmasynyń bólim bastyǵy qyzmetterin atqarǵan. 2007-2010 jyldary QR Syrtqy ister mınıstrliginiń ortalyq apparatyndaǵy Jalpyazııalyq yntymaqtastyq departamentinde basshylyq qyzmetter atqaryp, Azııadaǵy ózara is-qımyl jáne senim sharalary jónindegi keńes (AÓSShK), Shanhaı yntymaqtastyq uıymy (ShYU), Ońtústik-Shyǵys Azııa memleketteri qaýymdastyǵy (ASEAN), Islam yntymaqtastyǵy uıymy (IYU), Túrki keńesi jáne túrki ıntegratsııasy men azııalyq dıalog alańdaryna qatysty basqa da uıymdardyń qyzmetin úılestirgen. 2010 jyly AÓSShK atqarýshy dırektorynyń (Bas hatshysynyń) orynbasary, 2010-2014 jyldary AÓSShK atqarýshy dırektorynyń orynbasary, 2014-2015 jyldary Qazaqstan Respýblıkasynyń Syrtqy ister mınıstriniń keńesshisi, 2015-2016 jyldary Qazaqstannyń Nıý-Iorktegi BUU janyndaǵy Turaqty ókildiginiń keńesshi-ýákili qyzmetterin atqardy. 2016-2019 jyldary Qazaqstannyń Nıý-Iorktegi BUU janyndaǵy Turaqty ókiliniń BUU Qaýipsizdik Keńesiniń máseleleri jónindegi orynbasary, 2019-2023 jyldary Qazaqstan Respýblıkasynyń Ońtústik Afrıka Respýblıkasyndaǵy Tótenshe jáne Ókiletti Elshisi, 2023 jylǵy qańtar-tamyz aralyǵynda Qazaqstan Respýblıkasy Syrtqy ister mınıstriniń orynbasary boldy.

Qazirgi qyzmetin 2023 jylǵy tamyzdan beri atqaryp keledi.

Maǵzum MYRZAǴALIEV, Qazaqstan Respýblıkasy Prezıdentiniń keńesshisi

1978 jyly Almaty qalasynda dúnıege kelgen. 1999 jyly «Turan» ýnıversıtetin halyqaralyq ekonomıst mamandyǵy boıynsha, 2003 jyly QR Syrtqy ister mınıstrliginiń Dıplomatııalyq akademııasyn halyqaralyq ekonomıst mamandyǵy boıynsha bitirgen. Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetinde munaı-gaz ken oryndaryn ıgerý mamandyǵy boıynsha bilim alǵan.

Eńbek joly: 2001-2004 jyldary «MIDrillingFluidsInternational» (Schlumberger) kompanııasynda Tengız jáne Batys Sibir ken oryndarynda burǵylaý eritindileri jónindegi ınjener, 2004-2007 jyldary bıznesti damytý menedjeri, óndiris menedjeri jáne kompanııanyń Aqtaý fılıalynyń basshysy qyzmetin atqardy. 2007-2010 jyldary «QazMunaıGaz» ulttyq kompanııasy» AQ-nyń «TeńizServıs» JShS bas dırektory, 2010-2012 jyldary «QazMunaıGaz» ulttyq kompanııasy» AQ basqarýshy dırektory, 2012-2013 jyldary osy kompanııa basqarma tóraǵasynyń ınnovatsııalyq damý jáne servıstik jobalar jónindegi orynbasary boldy. 2013-2014 jyldary QR Munaı jáne gaz vıtse-mınıstri, 2014-2019 jyldary QR Energetıka vıtse-mınıstri, 2019-2021 jyldary QR Ekologııa, geologııa jáne tabıǵı resýrstar mınıstri qyzmetin atqardy. 2021-2022 jyldary QR Energetıka mınıstri, 2022 jyly Qazaqstan Respýblıkasy Prezıdentiniń keńesshisi, 2022-2024 jyldary «QazMunaıGaz» ulttyq kompanııasy» AQ basqarma tóraǵasy ári dırektorlar keńesiniń múshesi boldy. 2023 jyldan bastap «KAZENERGY» Qazaqstan munaı-gaz jáne energetıka kesheni uıymdary qaýymdastyǵynyń tóraǵasy qyzmetin atqarady.

Qazirgi qyzmetin 2025 jylǵy aqpannan beri atqaryp keledi.

Oljas TÓLEÝOV, Qazaqstan Respýblıkasy Strategııalyq josparlaý jáne reformalar agenttigi tóraǵasynyń orynbasary

1990 jyly Qaraǵandy oblysy Shet aýdanynda dúnıege kelgen. Ál-Farabı atyndaǵy Qazaq ulttyq ýnıversıtetiniń Joǵary ekonomıka jáne bıznes mektebin, Qazaqstan Respýblıkasy Ulttyq Bankiniń magıstratýrasyn bitirgen.

Eńbek joly: 2012-2013 jyldary Qaraǵandy oblysy Balqash qalasynyń kommýnaldyq sharýashylyǵy salasynda jumys istegen. 2013-2015 jyldary AERC kompanııasynda bıznes-taldaýshy, 2015-2018 jyldary Qazaqstan Respýblıkasy Ulttyq Bankiniń Zertteýler jáne statıstıka departamentinde taǵylymger, jetekshi taldaýshy jáne bas taldaýshy boldy. 2018-2020 jyldary Applied Economic Research Centre (Qoldanbaly ekonomıkalyq zertteýler ortalyǵy) dırektorynyń orynbasary jáne basqarýshy dırektory, 2020 jyly QR Eńbek jáne halyqty áleýmettik qorǵaý mınıstrligine qarasty «Eńbek resýrstaryn damytý ortalyǵy» AQ vıtse-prezıdenti, 2020 jylǵy qyrkúıek — 2022 jylǵy sáýir aralyǵynda Qazaqstan Ulttyq Bankiniń tóraǵasy keńesshisi qyzmetin atqarǵan.

Qazirgi qyzmetin 2022 jylǵy sáýirden beri atqarady.

Jaqyp AQBAEV, qazaq zııaly qaýymynyń ókili, Alashorda úkimetiniń múshesi, zań magıstri dárejesin alǵan tuńǵysh qazaq

1876 jyly burynǵy Qarqaraly ýeziniń Berikqara bolysyndaǵy Mylbulaq qystaǵynda aýqatty sharýa otbasynda dúnıege kelgen. Omby gımnazııasyn bitirgen soń Sankt-Peterbýrg ýnıversıtetiniń zań fakýltetine oqýǵa túsken. Qazaqtar arasynan tuńǵysh bolyp quqyq magıstri ǵylymı dárejesin alǵan. Jaqyp Aqbaev 1905 jylǵy 11 qazandaǵy patsha manıfesiniń jarııalanýyna baılanysty sol jyldyń 19-20 qazanynda Omby kóshelerinde ótken sherýlerge qatysty. Osyǵan qatysty oǵan aıyp taǵylyp, saıası kózqarasyna baılanysty sot mekemelerindegi qyzmetinen bosatylǵan.

Qarqaralyǵa oralǵan soń, 1905 jylǵy 15 qarashada ótken sherýdi uıymdastyrýshylardyń biri boldy. Osy oqıǵadan keıin oǵan qarsy qylmystyq is qozǵalyp, ózi tańdaǵan jerde eki jyl boıy ashyq baqylaýda bolý jazasyna kesildi. Ol Jetisý oblysyndaǵy Qapal aýylyn turǵylyqty mekeni retinde tańdady. 1910 jyly Іshki ister mınıstrligi Aqbaevqa Semeı jáne Torǵaı oblystarynyń aýmaǵynda turýǵa tyıym salý týraly qaýly shyǵardy. Ol Qaraǵandyǵa qonys aýdaryp, kenshiler arasynda úgit-nasıhat jumysyn júrgizdi. Keıin tutqyndalyp, Semeıge jiberildi. Aqpan revolıýtsııasyn Jaqyp Aqbaev Qarqaralyda qarsy aldy.

1917 jylǵy qazannan bastap Qarqaraly ýezdik jer komıtetin basqardy. Semeıdegi sot organdarynda qyzmet etti. Keıin Ońtústik Qazaqstanda advokat bolyp jumys istedi. 1929 jyly negizsiz saıası qýǵyn-súrginge ushyrap, Voronejde aıdaýda boldy. 1934 jyly Almatyǵa oralyp, sol jyly 60 jasynda qaıtys boldy.