7 qańtardan bastap kólik júrgizýshileri balalardy arnaıy oryndyqtarmen tasymaldaýy tıis - QR ІІM
«7 qańtardan bastap kúshine enetin zańǵa sáıkes aldyńǵy jolaýshylar oryndyǵyna avtooryndyqtardyń bolýy mindetti. Artqy oryndyqta balalarǵa arnalǵan bekitiletin qurylǵysy bar avtooryndyq nemese balalardy qaýipsizdik beldikterimen iliktirýge múmkindik beretin ózge de jabdyqtar bolýy kerek», - dedi basqarma basshysy. Osy oraıda ol atalǵan qaýipsizdik talaptary «Jol júrý týraly» konventsııa aıasynda qamtylyp otyrǵandyǵyn jetkizdi. «Jol-kólik oqıǵasy men kólik qaqtyǵysy kezinde balalardyń dene bitimi álsizdeý bolǵandyqtan, qaýipsizdik beldikteri zaqym keltirýi múmkin. Sol sebepti BUU erejelerimen arnaıy avtokólik oryndyqtary qarastyrylǵan», - dedi Q.Sádýaqasov. Osy talaptardy elemegen júrgizýshilerge aıyppul salynatyn bolady. Belgili bolǵandaı, balalardyń oryndyqtary men arnaıy jabdyqtardy ornatpaǵan jaǵdaıda júrgizýshilerge 5 AEK kóleminde aıyppul salynady. Bir jyldyń ishinde bul jaǵdaı úsh márte qaıtalansa, azamat júrgizýshilik kýáliginen 6 aıǵa deıin aıyrylady.
