Búgin eldegi qaı joldar ashyq, qaısysy jabyq

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Ulttyq kompanııanyń málimetinshe, 2025 jylǵy 7 qańtar saǵat 08:00-degi jaǵdaı boıynsha Shyǵys Qazaqstan oblysynda «Almaty – Taldyqorǵan – Óskemen – Shemonaıha – RF shekarasy» avtojolynyń 1194-1212-shaqyrym aralyǵynda (Shemonaıha qalasy – RF shekarasy) barlyq kólik túri úshin qozǵalys ashyq.

Sondaı-aq aýa raıynyń jaqsarýyna baılanysty 2026 jylǵy 6 qańtar saǵat 23:00-den bastap respýblıkalyq mańyzy bar avtojoldardyń tómendegi ýchaskelerinde jyldamdyq rejımi 90 shaq/saǵ-tan 110 shaq/saǵ-qa deıin ózgertildi:

Aqmola oblysy

• KAZ 01 «Astana – Qaraǵandy – Almaty», 30-92-shaqyrym (Jibek Joly aýyly – Anar stantsııasy).

Qaraǵandy oblysy

• KAZ 01 «Astana – Qaraǵandy – Almaty», 92-164-shaqyrym (Anar stantsııasy – Temirtaý qalasy).

Jabyq joldar

Shyǵys Qazaqstan oblysynda tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde qys aıaqtalǵansha saqtalady.

Sonymen birge «Astana – Shiderti – Pavlodar – Ýspenka – RF shekarasy» avtojolyndaǵy jolaıryqtyń kópir qurylymynyń shetki arqalyqtary zaqymdanýyna baılanysty «Qalqaman» jolaıryǵy ýchaskesi jabyldy. Atap aıtqanda, Qalqaman kentine kireberis pen Astana baǵytyna shyǵatyn jol ýaqytsha jabyq.

Eske salaıyq, buǵan deıin sınoptıkter Qazaqstannyń 14 oblysynda jáne Astanada aýa raıyna baılanysty eskertý jasaǵan edi.