7 qańtarda aýa raıy qandaı bolady

ASTANA.KAZINFORM — «Qazgıdromet» RMQ sınoptıkteri 2026 jylǵy 7 qańtar, sársenbi kúni el aýmaǵy boıynsha aýa raıy boljamyn jarııalady.

Mamandardyń málimetinshe, tsıklonnyń jáne oǵan baılanysty atmosferalyq fronttardyń áserinen respýblıkanyń soltústiginde, shyǵysynda jáne ortalyq bóliginde qar jaýyp, boran soǵady, al eldiń shyǵys óńirine qalyń qar túsedi dep boljanǵan.

– Qalǵan aýmaqtarda aýa raıy jaýyn-shashynsyz bolady, – dep meteorologtar sendirip otyr.

Kún raıynyń buzylýyna baılanysty Astana áýejaıy jolaýshylarǵa mańyzdy eskertý jasady.

Búgin QR Tótenshe jaǵdaılar mınıstrligi azamattardy qys mezgilinde saqtyq sharalaryn qatań saqtaýǵa, daýyldy eskertýlerdi turaqty qadaǵalaýǵa jáne qolaısyz aýa raıy jaǵdaıynda alys saparlarǵa shyqpaýǵa shaqyrdy.

Aýa raıynyń qolaısyzdyǵyna baılanysty Aqmola oblysynan Astanaǵa qosymsha poıyzdar jolǵa shyqty.