7 qańtar. Tulǵalar týǵan kún
Búgin, 7 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
61 jyl buryn (1965) «PetroQazaqstan Qumkól Resorsız» AQ vıtse-prezıdenti Serik Salaýatuly QOJANIıAZOV dúnıege keldi.
Qyzylorda oblysynda týǵan. Kýzbass polıtehnıkalyq ınstıtýtyn, L. N. Gýmılev atyndaǵy Eýrazııa ulttyq ýnıversıtetiniń Qyzylorda fılıalyn bitirgen.
1989-1992 jyldary Qyzylorda jóndeý-mehnıkalyq zaýytynyń ınjener-tehnology, sheberi. 1992-1994 jyldary «Serik» ShK dırektory. 1994-1999 jyldary «Arko-Invest» IZQ basqarýshysy. 1999 jyly Qyzylorda bıznes-ortalyǵynyń dırektory. 1999-2000 jyldary Qyzylorda oblysynyń ákimi janyndaǵy ınvestıtsııalar tartý jáne qor naryǵyn damytý ortalyǵynyń dırektory. 2000-2001 jyldary «Senim» JAQ Qyzylorda oblysy boıynsha aımaqtyq menedjeri. 2001-2004 jyldary Qyzylorda oblysy ákimi apparatynyń ındýstrııalyq damý bóliminiń meńgerýshisi. 2005-2007 jyldary Qyzylorda oblysy kásipkerlik jáne ónerkásip departamentiniń dırektory. 2007-2008 jyldary Qyzylorda qalasynyń ákimi. 2008-2009 jyldary QR Premer-Mınıstri Keńsesiniń uıymdastyrý jumystary jáne aýmaqtyq damý bóliminiń bas ınspektory. 2009-2012 jyldary QR Premer-Mınıstri Keńsesiniń uıymdastyrý jumystary jáne aýmaqtyq damý bólimi meńgerýshisiniń orynbasary. 2012-2014 jyldary QR Premer-Mınıstri Keńsesiniń Óńirlik damý bóliminiń meńgerýshisi. 2014-2019 jyldary Qyzylorda oblysy ákiminiń orynbasary, «Baıqońyr» keshenindegi QR Prezıdentiniń arnaıy ókili. 2019-2021 jyldary QR Prezıdenti ákimshiliginiń memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory. 2021-2022 jyldary QR Ekologııa, geologııa jáne tabıǵı resýrstar mınıstrliginiń vıtse-mınıstri, 2022-2024 jyldary Qyzylorda oblysy ákiminiń birinshi orynbasary, 2024 jyly Qyzylorda qalasynyń ákimi bolyp qyzmet atqarǵan.
2024 jyldyń qazanynan beri qazirgi qyzmetinde.
61 jyl buryn (1965) Ulytaý oblysynan Qazaqstan Respýblıkasy Parlamenti Senatynyń depýtaty Sovetbek Tursynuly MEDEBAEV dúnıege keldi.
Qaraǵandy oblysy, Ulytaý aýdany, Qarsaqbaı kentinde týǵan. Ó.A. Baıqońyrov atyndaǵy Jezqazǵan ýnıversıtetin, Ortalyq — Azııa ýnıversıtetin tamamdady.
Eńbek joly: 1986 jyly «Oblbytýpravlenıe» jóndeý qurylys basqarmasynyń Jezqazǵan ýchaskesiniń sheberi, 1987 jyly «Oblbytýpravlenıe» jóndeý — qurylys basqarmasynyń Jezqazǵan ýchaskesiniń proraby, 1988 jyly Jezqazǵan geologııalyq barlaý ekspedıtsııasynyń qurylys tsehynyń jumys óndirýshisi, 1989 jyly Jezqazǵan geologııalyq barlaý ekspedıtsııasynyń aǵa sheberi, 1990 jyly Jezqazǵan geologııalyq barlaý ekspedıtsııasynyń proraby, 1992 jyly Jezqazǵan oblystyq tutynýshylar odaǵynyń aǵa mamany, 1992 jyly Jezqazǵan oblystyq tutynýshylar odaǵynyń kúrdeli qurylys, kóligi jáne materıaldyq tehnıkalyq qamtamasyz etý bóliminiń bastyǵy, 1995 jyly Jezqazǵan qalasy ákimshiligi basshylyǵynyń apparat basshysynyń mindetin atqarýshy, 1995 jyly Jezqazǵan qalasynyń ákimshiligi basshylyǵynyń apparat basshysy, 1995 jyly Jezqazǵan qalasy ákiminiń apparat basshysy, 2003 jyly Jezqazǵan qalalyq maslıhatynyń hatshysy, 2008 jyly Sátbaev qalasynyń ákimi, 2011 jyly «Qazaqmys „Korporatsııasy“ JShS aımaqtyq kásipodaq uıymynyń tóraǵasynyń orynbasary, 2012 jyly Jezqazǵan qalalyq maslıhatynyń hatshysy, 2016 jyly Jezqazǵan qalalyq maslıhatynyń hatshysy bolyp qyzmet atqarǵan. 2021-2022 jyldary Qaraǵandy oblysy Ulytaý aýdanynyń ákimi boldy.
Qazirgi qyzmetin 2022 jyldyń tamyzynan beri atqaryp keledi, 2023 jyly qaıta saılandy.
61 jyl buryn (1965) Qazaqstan Respýblıkasy Prezıdenti Ákimshiliginiń memlekettik ınspektory Talǵat Amangeldiuly JAQAN dúnıege keldi.
Almaty qalasynda týǵan. Almaty halyq sharýashylyǵy ınstıtýtyn bitirgen (1987), ekonomıst.
Eńbek joly: 1988-1992 jyldary Qaztutkeńes Respýblıkalyq esepteý ortalyǵynyń esepteýish tehnıkasyn eńgizý Bóliminiń ekonomıst-ınjeneri (Almaty qalasy). 1992-1996 jyldary QR qarjy Mınıstrligi janyndaǵy qarjy-valıýtalyq baqylaý Komıtetiniń basqarma bas baqylaýshy-revızory (Almaty q.), 1996-2007 jyldary QR SІM Valıýta-qarjylyq departamenti bas mamany, valıýtalyq operatsııalar bóliminiń bastyǵy, dırektor orynbasary., 2007 jyly QR syrtqy ister mınıstriniń keńesshisi, 2007-2010 jyldary QR Parlament Senatynyń Apparaty jetekshisiniń orynbasary, 2010-2012 jyldary QR Premer-mınıstri Keńsesiniń makroekonomıkalyq taldaý jáne baǵdarlamalyq monıtorıng bóliminiń meńgerýshisi, 2012 jyly QR Premer-mınıstriniń keńesshisi, 2012-2014 jyldary QR Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory, 2014-2016 jyldary TMD Atqarýshy komıteti qarjy departamentiniń dırektory, 2016-2021 jyldary Respýblıkalyq bıýdjettiń atqarylýyn baqylaý jónindegi esep komıtetiniń múshesi, 2021-2022 jyldary QR Prezıdenti Іs basqarmasynyń materıaldyq-tehnıkalyq qamtamasyz etý basqarmasynyń basshysy, 2022 jyly QR Prezıdenti Іs basqarýshysynyń orynbasary bolyp qyzmet atqardy.
2022 jyldyń qazan aıynan beri qazirgi qyzmetinde.
46 jyl buryn (1980) Almaty qalasy Áýezov aýdanynyń ákimi Abzal Qýandyquly EGEMBERDIEV dúnıege keldi.
Qazaq memlekettik zań akademııasyn (2000), T. Rysqulov atyndaǵy QazEÝ ekonomıka jáne qarjy ınstıtýtyn (2006), Qazaq bas sáýlet-qurylys akademııasyn bitirgen (2014), ekonomıka ǵylymdarynyń magıstri.
Eńbek jolyn 2001-2003 jyldary Atyraý oblysynyń prokýratýra organdarynda prokýror bolyp bastaǵan. 2003-2004 jyldary Astana qalasy ákimi apparatynyń bas mamany, 2004-2005 jyldary Stepnogorsk qalasy ákimi apparatynyń basshysy, 2005-2008 jyldary Almaty qalasy Almaly aýdany ákiminiń bólim basshysy, apparat basshysy, Medeý aýdany ákiminiń orynbasary, 2008-2012 jyldary Astana qalasy Esil aýdany ákimi apparatynyń basshysy, ákimniń orynbasary, 2012-2013 jyldary Astana qalasynyń Tabıǵı resýrstar jáne tabıǵat paıdalanýdy retteý basqarmasy bastyǵynyń orynbasary, 2013-2015 jyldary Astana qalasy ákimdiginiń «Turmys» JShS kásipornynyń dırektory, 2015 jyly «Birlik AST» JShS Bas dırektory, 2015-2017 jyldary Astana qalasy boıynsha ekologııa departamentiniń basshysy boldy. 2017-2022 jyldary jeke qurylymdarda basshylyq qyzmetter atqardy. 2022-2023 jyldary Almaty qalasy Memlekettik aktıvter basqarmasynyń basshysy laýazymyn atqarǵan.
2023 jyldyń mamyr aıynan bastap qazirgi qyzmetinde.
40 jyl buryn (1986) VIII saılanǵan Qazaqstan Respýblıkasy Parlamenti Májilisiniń depýtaty Oljas Haırollauly KÚSPEKOV dúnıege keldi.
Qaraǵandy oblysynda týǵan. Ońtústik Koreıanyń Seýl tehnologııalar jáne bilim ınstıtýtyn bitirgen, avtomobıl elektronıkasy qyzmetiniń mamany (2006); L. B. Goncharov atyndaǵy Qazaq avtomobıl jáne jol ýnıversıtetin (2007); Seýl tehnologııalar jáne bilim ınstıtýtyn, Ońtústik Koreıa, avtomobıl mehanıkasy (2012); Qaraǵandy memlekettik tehnıkalyq ýnıversıtetin bitirgen.
Eńbek joly: 2008-2009 jyldary «Polıtehnıkalyq kolledj» MKQK «Avtokólik quraldaryna tehnıkalyq qyzmet kórsetý, jóndeý jáne paıdalaný» mamandyǵy boıynsha arnaıy pánder oqytýshysy, Astana qalasy, 2009-2012 jyldary «№ 6 kásiptik lıtseı» MM dırektorynyń oqý-óndiristik jumys jónindegi orynbasary, Astana qalasy, 2012-2013 jyldary «Kásipqor» holdıngi» KEAQ ádisteme bóliminiń bas menedjeri, 2013-2014 jyldary «Kásipqor» holdıngi» KEAQ áleýmettik áriptestik departamentiniń dırektory, 2014-2016 jyldary QR Bilim jáne ǵylym mınıstrliginiń «Tehnıkalyq jáne kásiptik bilim berýdi damytý jáne biliktilikti berýdiń respýblıkalyq ǵylymı-ádistemelik ortalyǵy» AQ bas dırektory, dırektorlar keńesiniń múshesi, 2016-2017 jyldary «Qazaqstan Respýblıkasy Eńbek jáne halyqty áleýmettik qorǵaý mınıstrligi Adam resýrstaryn damytý ortalyǵy» AQ Prezıdentiniń keńesshisi, 2017-2018 jyldary «Eńbek daǵdylaryn damytý jáne jumys oryndaryn yntalandyrý» memlekettik ýnıtarlyq kásipornynyń úılestirýshi menedjeri, Dúnıejúzilik bank nesıesi, 2018-2022 jyldary «U-FUTURE» JShS dırektory, 2022-2023 jyldary «U-FUTURE» JShS, «QazTetsing» JShS, «U-Kemel» JShS, «FlexQazMedia» JShS, «Techus» JShS Baqylaý keńesiniń tóraǵasy bolyp qyzmet atqardy.
2023 jyldyń naýryz aıynan bastap qazirgi qyzmetinde.
121 jyl buryn (1905-1973) qazaqtyń ataqty ánshisi, Qazaqstannyń halyq ártisi, rejısser, KSRO Memlekettik syılyǵynyń ıegeri Qurmanbek JANDARBEKOV dúnıege keldi.
Ońtústik Qazaqstan oblysy Saıram aýdanynda týǵan. Tashkent pedagogıkalyq ýchılışesin, Máskeýdegi Búkilodaqtyq kınematografııa ınstıtýtynyń akterlik bólimin jáne Memlekettik teatr óneri ınstıtýtyn bitirgen.
Abaı atyndaǵy Qazaq memlekettik akademııalyq opera jáne balet teatrynyń, M.Áýezov atyndaǵy Qazaq memlekettik akademııalyq drama teatrynyń bas rejısseri, Qurmanǵazy atyndaǵy Qazaq ulttyq konservatorııasynyń oqytýshysy qyzmetterin atqarǵan. Bekejan (E.Brýsılovskıı «Qyz Jibek»), Tarǵyn («Er Tarǵyn»), Jalbyr («Jalbyr») partııalaryn oryndap, ánshilik sheberligin tanytty. Rejısser retinde E.Brýsılovskııdiń «Er Tarǵyn», «Jalbyr», «Gvardııa, alǵa», A.Jubanov pen L.Hamıdıdiń «Abaı», M.Tólebaevtyń «Birjan-Sara» operalaryn qoıdy. Kınoǵa túsip, Jaqas («Amangeldi»), Qadyrbaı («Jambyl»), Sadyq («Biz Jetisýdanbyz») beınelerin somdady. Jıyrmasynshy jyldarda Tashkent qalasynda ótken bir kontsertte qazaqtyń jetpisten astam ánin shyrqaǵan. Lenın, Eńbek Qyzyl Tý, «Qurmet belgisi» ordenderimen marapattalǵan. Almaty qalasynda bir kóshege aty berilip, ómiriniń sońǵy jyldarynda turǵan úıine eskertkish taqta ornatylǵan.
Q.Jandarbekov qazaqtyń ulttyq kásibı teatrynyń negizin qalaýshylardyń biri. Sondaı-aq tuńǵysh ulttyq mýzyka teatrynyń qalyptasýyna yqpal etip, birneshe ulttyq baletterdiń konsýltanty jáne qoıýshy-rejısseri boldy.
87 jyl buryn (1939-2000) hımııa ǵylymynyń kandıdaty, professor, Qazaqstan Respýblıkasy Injenerlik akademııasynyń korrespondent múshesi, Halyqaralyq shyǵarmashylyq akademııasynyń akademıgi Shaısultan ShAıAHMETOV dúnıege kelgen.
Qostanaı oblysynda týǵan. M.Lomonosov atyndaǵy Máskeý memlekettik ýnıversıtetin, KSRO Ǵylym akademııasy elementtik-organıkalyq qosylystar ınstıtýtynyń aspırantýrasyn bitirgen. 1987-1993 jyldary — Qazaq KSR Joǵary jáne orta arnaıy bilim mınıstri, Qazaqstan Respýblıkasy Halyqqa bilim berý mınıstri. 1997-1998 jyldary — Qostanaı oblysy ákiminiń orynbasary, L.Gýmılev atyndaǵy Eýrazııa ýnıversıtetiniń professory, memlekettik jáne basqa da tilderdi oqytý ortalyǵynyń dırektory. 1998-2000 jyldary Qazaqstan Respýblıkasy Aqparat jáne qoǵamdyq kelisim mınıstrligi janyndaǵy respýblıkalyq ortalyqtyń dırektory, «Memlekettik til» qoǵamdyq qorynyń prezıdenti qyzmetterin atqarǵan.
Sh. Shaıahmetovtyń esimi respýblıkalyq «Til-Qazyna» ulttyq ǵylymı-praktıkalyq ortalyǵyna berildi.
77 jyl buryn (1949-2014) aqyn, Halyqaralyq «Alash» syılyǵynyń laýreaty Ibragım ISAEV dúnıege kelgen.
Qyzylorda oblysynyń Syrdarııa aýdanynda týǵan. Qazaq memlekettik ýnıversıtetin bitirgen. Syrdarııa aýdandyq «Syrdarııa» gazetinde ádebı qyzmetker, Qyzylorda oblystyq halyq shyǵarmashylyq úıinde nusqaýshy, Qazaqstan Jazýshylar odaǵynda kórkem ádebıetti nasıhattaý bóliminde tilshi-ádisker, «Ara — Shmel», «Jalyn» jýrnaldarynda redaktor qyzmetterin atqarǵan.
Aqyn óleńderi majar, bolgar tilderimen qosa, týysqan biraz tilderge de tárjimalanǵan. Jas jazýshylardyń Búkilodaqtyq VI keńesine qatysqan. Qazaqstan jazýshylar odaǵynyń múshesi.
«Altyn syrǵa» (1974), Tań aldyndaǵy áni» (1976), «Terbeledi qaıyńdar» (1978) atty jınaqtar shyǵarǵan. Kóptegen án mátininiń avtory. Óleńderi birqatar shetel tilderine aýdarylǵan.
75 jyl buryn (1951-2025) ǵaryshker, Halyq Qaharmany Talǵat Amangeldiuly MUSABAEV dúnıege keldi.
Almaty oblysy Jambyl aýdanynda týǵan. Rıga azamattyq avıatsııa ınjenerleri ınstıtýtyn jáne Aqtóbe joǵary ushqyshtar ýchılışesin bitirgen. 1987 jyldan AN-2 ushaǵynyń 2-shi ushqyshy, komandıri, 1989 jyly Ýlıanovsk qalasyndaǵy ushqyshtar, dıspetcherler jáne ınjener-tehnık kadrlar daıyndaý ortalyǵyn bitirip, Almaty birikken avıaotrıadynyń 1-shi ushý otrıadynda TÝ-134 ushaǵynyń 2-shi ushqyshy boldy. 1990 jyly ıÝ. A. Gagarın atyndaǵy ǵaryshkerler daıyndaý ortalyǵynda ǵaryshqa ushý daıyndyǵyna kirisken. 1991 jyly oǵan «Ǵaryshker-synaqshy» sanaty berilgen.
1994 jylǵy maýsymnyń 1-inen qarashanyń 4-ine deıin «Soıýz-TM» ǵarysh kemesiniń bort-ınjeneri retinde ǵaryshta bolyp, 2 ret ashyq ǵarysh keńistigine shyqty. Ushý kezinde qazaqstandyq ǵylymı-zertteýlerdiń 2-shi baǵdarlamasyn oryndady. 25-shi negizgi ekspedıtsııa baǵdarlamasy boıynsha 1998 jyly qańtardyń 29-y men tamyzdyń 25-i aralyǵynda «Soıýz-TM-27» jáne «Mır» ǵarysh kemeleriniń komandıri retinde ǵaryshta boldy. Ushý kezinde 5 ret ashyq ǵarysh keńistigine shyqty. Bul sapar barysynda ǵylymı-zertteýler men eksperımentterdiń 3-shi baǵdarlamasy oryndaldy. 2001 jylǵy sáýirdiń 28-i men maýsymnyń 6-y aralyǵynda «Soıýz-TM-32» ǵarysh kemesimen Halyqaralyq ǵaryshtyq stansasyna barǵan birinshi ekspedıtsııanyń ekıpaj komandıri mindetin atqardy. Bul ushý kezinde ǵylymı-zertteýler men eksperımentterdiń 4-shi baǵdarlamasy oryndaldy. 2003-2005 jyldary ıÝ. A. Gagarın atyndaǵy Ǵaryshkerler daıyndaý ortalyǵynyń top komandıri, 2005-2007 jyldary «Báıterek» Qazaqstan-Reseı birlesken kásiporny» AQ bas dırektory, 2007 jyldyń 11 aqpannan 11 sáýirge deıin Qazaqstannyń áýe-ǵarysh agenttiginiń dırektory qyzmetterin atqarǵan. 2007-2014 jyldary QR Ulttyq ǵarysh agenttiginiń tóraǵasy, 2016-2017 jyldary QR Prezıdentiniń keńesshisi, 2017-2023 jyldary Qazaqstan Respýblıkasy Parlamenti Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń múshesi boldy.
1-shi dárejeli Barys, Otan, Halyqtar dostyǵy, Aýstrııanyń «Kúmis Qyran», Reseıdiń «1 dárejeli Uly Petr» ordenderimen, kóptegen medalmen marapattalǵan.