7 qańtar kúni respýblıkanyń basym bóliginde boran soǵady
ASTANA. QazAqparat - Qazaqstan aýmaǵynda frontaldyq aǵyndardyń ótýine baılanysty qalyń qar jaýyp, tuman túsedi. Kóktaıǵaq oryn alyp, jel kúsheıedi.
Bul týraly Qazgıdromet habarlady.
Almaty oblysynda keı jerlerde tuman túsip, Jalańashkól aýdanynda jeldiń jyldamdyǵy 20-25 m/s-qa jetedi. Aqtóbe, Shyǵys Qazaqstan oblystarynda jeldiń kúshi 15-20 m/s-qa jetip, boran soǵady. Pavlodar oblysynda jeldiń kúshi 17-22 m/s-qa deıin barady, kóktaıǵaq bolady. Mańǵystaý oblystarynyń keı aımaqtarynda tuman túsip, 15-20 m/s ekpinmen jel soǵady. Aqmola, Qostanaı, Soltústik Qazaqstan, Qaraǵandy, Atyraý oblystarynda jeldiń kúshi 15-20 m/s bolady, boran soǵady. Jambyl, Qyzylorda obystarynyń keı jerlerinde tuman, kóktaıǵaq bolady. Ońtústik Qazaqstanda tuman túsedi.
