7 qańtar. QazAqparat kúntizbesi
ATAÝLY KÚNDER
Pravoslav hrıstıandarynyń Rojdestvo merekesi
Rojdestvo merekesi – hrıstıan dinin ustanýshylardyń negizgi merekesiniń biri. Bul mereke Iısýs Hrıstostyń Vıfleemde dúnıege kelýi qurmetine oraı atap ótiledi. Rojdestvony katolıkter 25 jeltoqsanda, al pravoslavtar 7 qańtarda toılaıdy.
ESTE QALAR OQIǴALAR
1992 jyly Qazaqstan Respýblıkasynyń Memlekettik qoımasyna asyl metaldardyń birinshi partııasy - «tórt toǵyzdyq» jáne 2 kúmistik sapasymen 5 altyn kesek qabyldandy. Qazaqstandyq rýdadan quıylǵan salmaǵy 11 kg eń joǵary synamaly (99,99) bes altyn kesegi men 30 kg eki kúmis kesegi Reseıdegi bólisten keıin Qazaqstanǵa qaıtaryldy. Memlekettik qundylyqtar qoımasynyń tarıhy 1991 jylǵy 31 tamyzda Prezıdent N.Nazarbaevtyń «Qazaq SSR altyn valıýtaly jáne almas qoryn jasaý týraly» Jarlyǵynan bastaý alady.
1992 jylyFrantsýz Respýblıkasy Qazaqstan Respýblıkasynyń táýelsizdigin moıyndady.
2006 jyly Qazaqstan Respýblıkasynyń jańa Memlekettik Ánurany bekitildi. Onyń negizi retinde halyqtyń arasynda keńinen tanymal «Meniń Qazaqstanym» patrıottyq áni tańdap alyndy. Ol ándi Shámshi Qaldaıaqov 1956 jyly Jumeken Nájimedenovtiń sózine jazǵan bolatyn. Qazaqstan Prezıdenti Nursultan Nazarbaev ánge memlekettik Gımn joǵary mártebesin berý jáne anaǵurlym saltanatty shyrqalýy úshin mýzykalyq týyndynyń bastapqy mátinin óńdedi. Qazaqstan Parlamenti 2006 jyly 6 qańtarda palatalardyń birlesken otyrysynda «Memlekettik rámizder týraly» Jarlyqqa tıisti túzetý engizip, elimizdiń jańa memlekettik gımnin bekitti.
2010 jyly Frantsııanyń aldyńǵy qatarly «L'Essentiel des relations internationales» («Halyqaralyq qatynastardaǵy eń basty») syrtqy saıası jáne saraptamalyq jýrnaly «Qazaqstan - Eýropanyń bolashaǵy ma?» degen ataýmen Qazaqstan týraly 100 bettik qyzyqty reportaj jarııalady.
2012 jyly Pavlodardyń jas sýretshileri 6 jasar Evelına Bolmasova men 8 jasar Nastıa Prokoptsova «Bala men ıt» atty halyqaralyq baıqaýdyń arnaıy marapattarynyń ıegerleri boldy. «Bala men ıt» atty balalar baıqaýy Polshada ótti, oǵan 42 memleketten 80 myń jumys kelip tústi.
2015 jyly Qazaqstan men Ispanııanyń birlesip túsirgen «Zabytye v Karagande» (Los olvidados de Karagandá) fılmi 2014 jyldyń úzdik derekti fılmi nomınatsııasynda jeńimpaz atanyp, California Film Awards (Diamond Awards, Documentary Film Competition) gaýhar júldesin aldy. 2014 jyly Syrtqy ister mınıstrliginiń qarjylyq qoldaýymen «Nexos» qaýymdastyǵynyń ókilderi Karlagta qamalǵan ıspandyqtar týraly 50 mınýttyq derekti fılm túsirdi. Derekti fılmde Ispanııa azamattarynyń Qarlagtaǵy bastan keshkenderi men sol oqıǵalar kýágerleriniń málimetteri jarııa etiledi. Bul adamdar, negizinen, Ispanııa respýblıkalyq partııasy men «Kógildir dıvızııanyń» ókilderi, eldegi Azamattyq soǵys pen Ekinshi dúnıejúzilik soǵys kezinde olardyń áreketi túrlishe baǵalanyp, munyń aqyry Qazaqstandaǵy saıası lagerlerdiń birine túsýge ákelip soqty. Derekti týyndyda Qarlagta bolǵandardyń urpaqtary men tarıhshylarǵa tutqyndardyń jaza ótegen oryndary jáne jerlengen jerleri kórsetilip, azap abaqtysynan tiri qalǵandar men jergilikti turǵyndardyń suhbattary beriledi.
