7-qabattan qulaǵan bir jasar sábı aman qaldy
MINSK. QazAqparat - Belarýstyń Mogılev qalasynda 2 qyrkúıek kúni keshkisin turǵyn úılerdiń biriniń jetinshi qabatynan qulap ketken bir jasar bala aman qaldy. Bul týraly «QazAqparat» HAA BELTA agenttigine silteme jasap habarlaıdy.
Tergeý komıtetiniń Mogılev oblysy boıynsha basqarmasynyń resmı ókili Oksana Solenıýktiń málimdeýinshe, 17:15 shamasynda sábıimen birge serýendep qaıtqan áıel ony dıvanǵa jatqyzyp, ózi asúıge ketedi. Bala sol kezde terezeden qulap ketken.
Oqys jaǵdaıǵa kýá bolǵan kórshi áıel qolma-qol jedel járdem shaqyrady. Bala birneshe jerinen jaraqat alǵanyna qaramastan, aman qalǵan. Ol oblystyq balalar aýrýhanasynyń jansaqtaý bólimine jetkizildi.
