7 aqpanda respýblıka boıynsha qaı joldar jabyq
ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.
Ulttyq kompanııanyń málimetinshe, qolaısyz aýa raıyna baılanysty tómendegi respýblıkalyq avtojol ýchaskelerinde kóliktiń barlyq túri úshin qozǵalys shekteldi:
Abaı oblysy
• «Óskemen – Semeı» avtojoly, 103-198-shaqyrym (ShQO shekarasy – Semeı qalasy);
• «Almaty – Taldyqorǵan – Óskemen – Shemonaıha – RF shekarasy» avtojoly, 778-1013-shaqyrym (Aıagóz qalasy – ShQO shekarasy).
Shyǵys Qazaqstan oblysy
• «Almaty – Taldyqorǵan – Óskemen – Shemonaıha – RF shekarasy» avtojoly, 1013-1062-shaqyrym (Abaı oblysynyń shekarasy – Rýbej beketi);
• «Óskemen — Rıdder — RF shekarasy» avtojoly, 15-105-shaqyrym (Beloýsovka eldi mekeni – Rıdder qalasy);
• «Almaty – Taldyqorǵan – Óskemen – Shemonaıha – RF shekarasy» avtojoly, 1104-1191-shaqyrym (Glýbokoe aýyly — Shemonaıha qalasy);
• «Óskemen – Semeı» avtojoly, 10-103-shaqyrym (Gerasımovka aýyly – Abaı oblysynyń shekarasy).
Jambyl oblysy
• «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń «Qordaı asýynyń jańa aınalma joly» ýchaskesi, 159-238-shaqyrym (Kenen aýyly – Qaınar aýyly).
Qozǵalys eski Qordaı asýy arqyly júzege asyrylady.
Qaraǵandy oblysy
• KAZ15 «Qaraǵandy – Aıagóz – Tarbaǵataı – Buǵaz» avtojoly, 17-60-shaqyrym (Qaraǵandy qalasy — Botaqara aýyly);
• KAZ01 «Astana – Qaraǵandy (aınalma jolmen) – Almaty» avtojoly, 248-592-shaqyrym (Atameken kenti – Balqash qalasy).
Sondaı-aq «Astana – Shiderti – Pavlodar – Ýspenka – RF shekarasy» avtojolyndaǵy kópir ótkeliniń shetki arqalyqtary zaqymdanýyna baılanysty «Qalqaman» jol aıryǵy ýchaskesi – Qalqaman aýylyna kireberis jáne Astana baǵytyna shyǵatyn jol jabyldy.
Al Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde qys aıaqtalǵansha saqtalady.
Eske salaıyq, Qazgıdromet 7 aqpanda eldiń basym bóliginde qolaısyz aýa raıyna baılanysty eskertý jasady.