7 aqpan. Tulǵalar týǵan kún
Búgin, 7 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
75 jyl buryn (1949) aktrısa, Qazaqstannyń eńbek sińirgen ártisi, Qazaqstan memlekettik premııasynyń laýreaty Gúljamal Muqajanqyzy QAZAQBAEVA dúnıege keldi.
Almaty oblysynyń týmasy. 1966-1968 jyldary M.Áýezov atyndaǵy akademııalyq drama teatry janyndaǵy stýdııanyń akterlik bóliminde, 1994-1996 jyldary T.Júrgenov atyndaǵy Qazaq ulttyq óner akademııasyn (burynǵy Almaty memlekettik teatr kórkem sýret ınstıtýty) «drama jáne teatr aktrısasy» mamandyǵy boıynsha bilim aldy.
Eńbek joly: 1969-1978 jyldary Ońtústik Qazaqstan oblystyq qazaq drama teatrynda aktrısa. 1978 jyldan Ǵabıt Músirepov atyndaǵy Qazaq memlekettik akademııalyq balalar men jasóspirimder teatrynyń aktrısasy.
1984 jyly Qazaq KSR Memlekettik syılyǵynyń ıegeri atandy. 1992 jyly Elbasynyń jarlyǵymen «Qazaqstan Respýblıkasynyń eńbek sińirgen ártisi» qurmetti ataǵymen marapattaldy. 2005 jyly «Eren eńbegi úshin medali», 2011 jyly «Qurmet ordeni», 2016 jyly «QR Táýelsizdigine - 25 jyl» memlekettik merekelik medalimen marapattalǵan.
64 jyl buryn (1960) «TeńizServıs» JShS «TeńizServıs» JShS Basqarma múshesi, Bas dırektordyń jalpy máseleler boıynsha keńesshisi Lıza Ýspanqyzy ÝLЬJABAEVA dúnıege keldi.
Almaty sáýlet-qurylys ınstıtýtyn ónerkásiptik jáne azamattyq qurylys mamandyǵy boıynsha jáne Sh.Esenov atyndaǵy Aqtaý memlekettik ýnıversıtetin áleýmettik saladaǵy jáne salalardaǵy ekonomıka jáne menedjment mamandyǵy boıynsha bitirgen.
Eńbek jolyn Jańaózen qalalyq kásiptik-tehnıkalyq ýchılışesinde arnaıy tehnologııalar oqytýshysy retinde bastady, keıin qurylys kompanııasynda josparly-óndiristik toptyń basshysy retinde jumys istedi. Mańǵystaý oblysynyń kásipkerlik jáne ónerkásip basqarmasynyń basshysy laýazymyn atqaryp, osy uıymdaǵy eńbek jolyn kúrdeli qurylys bóliminiń mamany laýazymynan bastady.
Qazirgi qyzmetin 2013 jyldyń aqpan aıynan bastap atqaryp keledi.
60 jyl buryn (1964) Qazaqstan Respýblıkasy Joǵarǵy sotynyń sýdıasy Arystanbek Saǵatbekuly STYBAEV dúnıege keldi.
Eńbek joly: 1996-2006 jyldary Taldyqorǵan oblystyq sotynyń sýdıasy, 2006-2020 jyldary Almaty oblystyq sotynyń sýdıasy qyzmetin atqardy. QR Joǵarǵy soty janyndaǵy Sot tóreliginiń sapasy jónindegi komıssııa múshesi.
Qazirgi qyzmetin 2020 jyldyń aqpan aıynan bastap atqaryp keledi.
53 jyl buryn (1971) «ALMEKS» Holdıng toby» AQ Basqarma tóraǵasynyń orynbasary Jomart Dosanqululy NURABAEV dúnıege keldi.
Qazaq memlekettik basqarý akademııasyn ekonomıst mamandyǵy boıynsha bitirgen.
Eńbek joly: 1999-2000 jyldary Almaty qalasy Jetisý aýdany boıynsha salyq komıteti tóraǵasynyń orynbasary, 2000 jyly Almaty qalasy Almaly aýdany boıynsha salyq komıteti tóraǵasynyń orynbasary, 2000 jyly Almaty qalasy Medeý aýdany boıynsha salyq komıteti tóraǵasynyń orynbasary bolyp qyzmet atqardy.
2000-2003 jyldary «TransOılInvestments» JShS qarjy dırektory, «Evrazııa Greın» JShS dırektory, «Kaskor Konsaltıng» JShS dırektory, «Samal Invest» JShS dırektory qyzmetinde boldy. 2003-2005 jyldary «Fırma ALMEKS» JShS qarjy dırektory, 2005-2007 jyldary «Almeks Holdıng toby» AQ qarjy dırektory, 2012-2014 jyldary «ALMEKS» Holdıng toby» AQ basqarma tóraǵasy, 2007-2014 jyldary «ALMEKS» Holdıng toby» AQ tóraǵasynyń orynbasary, basqarma múshesi qyzmetinde boldy.
2023 jyldan bastap «Halyq banki» AQ (Halyq banki) dırektorlar keńesiniń múshesi; «ALMEKS» Holdıng tobynyń» ókili.
