7 aqpan. Tulǵalar týǵan kún
Búgin, 7 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
77 jyl buryn (1949) aktrısa, Qazaqstannyń eńbek sińirgen ártisi, Qazaqstan memlekettik premııasynyń laýreaty Gúljamal Muqajanqyzy QAZAQBAEVA dúnıege keldi.
Almaty oblysynyń týmasy. 1966-1968 jyldary M.Áýezov atyndaǵy akademııalyq drama teatry janyndaǵy stýdııanyń akterlik bóliminde, 1994-1996 jyldary T.Júrgenov atyndaǵy Qazaq ulttyq óner akademııasyn (burynǵy Almaty memlekettik teatr kórkem sýret ınstıtýty) «drama jáne teatr aktrısasy» mamandyǵy boıynsha bilim aldy.
Eńbek joly: 1969-1978 jyldary Ońtústik Qazaqstan oblystyq qazaq drama teatrynda aktrısa. 1978 jyldan Ǵabıt Músirepov atyndaǵy Qazaq memlekettik akademııalyq balalar men jasóspirimder teatrynyń aktrısasy.
1984 jyly Qazaq KSR Memlekettik syılyǵynyń ıegeri atandy. 1992 jyly Elbasynyń jarlyǵymen «Qazaqstan Respýblıkasynyń eńbek sińirgen ártisi» qurmetti ataǵymen marapattaldy. 2005 jyly «Eren eńbegi úshin medali», 2011 jyly «Qurmet ordeni», 2016 jyly «QR Táýelsizdigine — 25 jyl» memlekettik merekelik medalimen marapattalǵan.
62 jyl buryn (1964) Qazaqstan Respýblıkasy Joǵarǵy sotynyń sýdıasy Arystanbek Saǵatbekuly STYBAEV dúnıege keldi.
Eńbek joly: 1996-2006 jyldary Taldyqorǵan oblystyq sotynyń sýdıasy, 2006-2020 jyldary Almaty oblystyq sotynyń sýdıasy qyzmetin atqardy. QR Joǵarǵy soty janyndaǵy Sot tóreliginiń sapasy jónindegi komıssııa múshesi.
Qazirgi qyzmetin 2020 jyldyń aqpan aıynan bastap atqaryp keledi.
55 jyl buryn (1971) «ALMEKS» Holdıng toby» AQ Basqarma tóraǵasynyń orynbasary Jomart Dosanqululy NURABAEV dúnıege keldi.
Qazaq memlekettik basqarý akademııasyn ekonomıst mamandyǵy boıynsha bitirgen.
Eńbek joly: 1999-2000 jyldary Almaty qalasy Jetisý aýdany boıynsha salyq komıteti tóraǵasynyń orynbasary, 2000 jyly Almaty qalasy Almaly aýdany boıynsha salyq komıteti tóraǵasynyń orynbasary, 2000 jyly Almaty qalasy Medeý aýdany boıynsha salyq komıteti tóraǵasynyń orynbasary bolyp qyzmet atqardy.
2000-2003 jyldary «TransOılInvestments» JShS qarjy dırektory, «Evrazııa Greın» JShS dırektory, «Kaskor Konsaltıng» JShS dırektory, «Samal Invest» JShS dırektory qyzmetinde boldy. 2003-2005 jyldary «Fırma ALMEKS» JShS qarjy dırektory, 2005-2007 jyldary «Almeks Holdıng toby» AQ qarjy dırektory, 2012-2014 jyldary «ALMEKS» Holdıng toby» AQ basqarma tóraǵasy, 2007-2014 jyldary «ALMEKS» Holdıng toby» AQ tóraǵasynyń orynbasary, basqarma múshesi qyzmetinde boldy. 2023 jyly — «Halyq banki» AQ (Halyq banki) dırektorlar keńesiniń múshesi, «ALMEKS» Holdıng tobynyń» ókili.
53 jyl buryn (1973) Shymkent densaýlyq saqtaý basqarmasynyń basshysy Qaırat Jaqypuly QALIBEKOV dúnıege keldi.
Túrkistan oblysynyń Qyzylqum aýdanynda dúnıege kelgen. S. D. Asfendııarov atyndaǵy Almaty memlekettik medıtsına ınstıtýtyn «Jalpy medıtsına» mamandyǵy boıynsha (1996), Qazaqstan Halyqtar dostyǵy ýnıversıtetin «Ekonomıka» mamandyǵy boıynsha (2008) bitirgen.
Eńbek joly: Shymkent qalasyndaǵy ambýlatorııalyq hırýrgııa, travmatologııa jáne gınekologııa ortalyǵynda hırýrg (1997-1999); Arys qalasyndaǵy ortalyq aýdandyq aýrýhanada hırýrg (1999-2001); Almaty qalasyndaǵy A. Syzǵanov atyndaǵy Ulttyq hırýrgııa ortalyǵynda radıolog, aǵa ǵylymı qyzmetkerdiń mindetin atqarýshy (2003-2004); Saıram ortalyq aýdandyq aýrýhanasynyń bas dárigeri (2004-2014); Ońtústik Qazaqstan oblysy densaýlyq saqtaý basqarmasy bastyǵynyń orynbasary (2014-2016); Aqsý kent Saıram aýdandyq ortalyq aýrýhanasynyń bas dárigeri (2016-2017); Aman Bolsyn atyndaǵy medıtsınalyq ortalyqtyń dırektory (2017-2018); Almaty qalalyq jedel medıtsınalyq kómek qyzmetiniń ekonomıkalyq máseleler jónindegi bas dárigeriniń orynbasary (2018-2019); Respýblıkalyq medıtsınalyq qoldaý ortalyǵynyń dırektorynyń orynbasary (2019); Aman Bolsyn atyndaǵy medıtsınalyq ortalyqtyń bas dárigeri (2019); Áleýmettik medıtsınalyq saqtandyrý qorynyń Shymkent fılıalynyń bas sarapshysy (2019-2021); № 9 qalalyq emhananyń bas dárigeri (2021-2023); № 1 qalalyq klınıkalyq aýrýhananyń bas dárigeri (2023-2025).
2025 jyldyń qazan aıynan bastap qazirgi qyzmetinde.