7 aqpan kúni Nur-Sultanda ótetin mańyzdy sharalar

NUR-SULTAN

9.30-da «Hilton Garden Inn» qonaqúıinde qazaq tilinde onlaın-kontent jasaýshylardyń «QazForum-2020» IV forýmy ótedi.

10:00-de «Park Inn by Radisson Astana»-da Ortalyq Azııadaǵy Soǵys jáne beıbitshilik týraly aqparat taratý ınstıtýtynyń (IWPR CA) ókildigi «Ashyq dıalog arqyly Ortalyq Azııadaǵy turaqtylyq» jobasy aıasynda Qazaqstandaǵy dinı máselelerdi jarııalaý jónindegi nusqaýlyqtyń tusaýkeserin ótkizedi.

10.00-de elordalyq kásipkerler palatasy Nur-Sultan ákimdiginiń Qoǵamdyq tamaqtaný jáne servıs kolledjinde «Welcome» Ashyq esik kúnin uıymdastyrady.

11.00-de Nazarbaev Ýnıversıteti aýmaǵyndaǵy pıramıdada «TOM: NUR-SULTAN» Meıkaton halyqaralyq áleýmettik jobasynyń sońǵy kezeńi ótedi.

11.00-de «Zúbárjat oramy» Bıznes ortalyǵynda Ulttyq kásipkerler palatasy salalyq sarapshylarmen birlesip, mektepterdi salý úlgisinde memlekettik-jekeshelik áriptestik (MJÁ) «Úlgilik jobalyq sheshimderi» jobasyn tanystyrady. Sonymen qatar Ulttyq palata janyndaǵy MJÁ jobalaryna monıtorıng júrgizý jónindegi keńes sheńberinde salany tsıfrlandyrý qajettiligi qaralady.

11.00-de «Samruk-Aqparat» baspasóz ortalyǵynda «Jas Órken» baǵdarlamasy arqyly «Samuryq-Qazyna» kompanııalar tobyna jumysqa ornalasý úshin úmitkerlerdi aldyn ala irikteý taqyrybynda brıfıng ótedi.

15.00-de Sybaılas jemqorlyqqa qarsy is-qımyl agenttigi men QR Bilim jáne ǵylym mınıstrligi «Ulttyq testileý ortalyǵy» RMQK-nyń birlesken otyrysy bastalady.

16.00-de QR Ádilet mınıstri Marat Beketaevtyń tóraǵalyq etýimen jáne memlekettik organdardyń, úkimettik emes sektordyń jáne bıznes-qoǵamdastyqtyń qatysýymen Zań jobalaý qyzmeti máseleleri jónindegi vedomstvoaralyq komıssııanyń kezekti otyrysy ótedi.