7 aqpan kúngi aýa raıy boljamy
NUR-SULTAN. QazAqparat – 7 aqpan kúni Qazaqstannyń barlyq aýmaǵynda atmosferalyq frontaldy bólikterdiń ótýimen qubylmaly kún raıy saqtalady. Keı jerlerde jaýyn-shashyn (jańbyr men qar túrinde), tuman, kóktaıǵaq, jaıaý burqasyn, jeldiń kúsheıýi kútiledi, dep habarlaıdy QazAqparat.
«Qazgıdromet» RMK málimetinshe, Aqmola, Soltústik Qazaqstan oblystarynyń keı jerlerinde tuman, kóktaıǵaq kútiledi, jeldiń kúshi ýaqytta 30 m/s artýy yqtımal.
Pavlodar oblysynyń keı jerlerinde tuman, kóktaıǵaq, jaıaý burqasyn bolady. Jeldiń ekpini 23-28 m/s kúsheıedi.
Shyǵys Qazaqstan, Qaraǵandy oblystarynyń keı jerlerinde tuman, kóktaıǵaq boljanady, jeldiń kúshi 23-28 m/s artady. Shyǵys Qazaqstan oblysynda sondaı-aq jaıaý burqasyn bolady.
Qostanaı oblysynyń keı jerlerinde tuman, kóktaıǵaq, burqasyn kútiledi, jel 23-28 m/s kúsheıedi.
Túrkistan, Jambyl oblystarynyń keı jerlerinde tuman bolady. Túnde jáne tańerteń jeldiń ekpini 23-28 m/s artady. Jambyl oblysynda kóktaıǵaq kútiledi.
Atyraý, Batys Qazaqstan oblystarynyń keı jerlerinde tuman, kóktaıǵaq boljanady, jeldiń jyldamdyǵy 15-20 m/s kúsheıedi. Batys Qazaqstan oblysynda sondaı-aq jaıaý burqasyn júredi.
Mańǵystaý oblysynda tuman, kóktaıǵaq bolady, túnde keı jerlerde jel 15-20 m/s kúsheıedi.
Aqtóbe oblysynyń keı jerlerinde tuman, kúndiz jaıaý burqasyn bolady. jeldiń kúshi 15-20 m/s artady.
Almaty oblysynyń túnde keı jerlerinde tuman, kóktaıǵaq kútiledi, jel 15-20 m/s kúsheıedi.
Qyzylorda oblysynda kúndiz keı jerlerde kóktaıǵaq boljanady, jel 15-20 m/s kúsheıedi.
