7 AEF sheńberinde memlekettik qyzmet boıynsha jahandyq konferentsııasynyń vırtýaldy jobasy iske qosylady

ASTANA. 12 tamyz. QazAqparat - 2013 jylǵy tamyz jáne 2014 jylǵy aqpan aıy aralyǵynda «G-Global» halyqaralyq kommýnıkatıvti alańynda jáne VII Astana ekonomıkalyq forýmy sheńberinde «Memlekettik qyzmetshiler qyzmetiniń tıimdiligin baǵalaý, olardyń ilgerleýi men eńbekaqy tóleý júıesi» atty jahandyq konferentsııasynyń vırtýaldy jobasy júrgiziledi.

Bul týraly QR Prezıdenti janyndaǵy Memlekettik basqarý akademııasynyń baspasóz qyzmeti habarlady.

Joba aýqymynda konferentsııanyń baǵdarlamasy men taqyrybyn onlaın rejıminde vırtýaldy talqylaý ótedi: http://group-global.org/aef/view/280

Astana ekonomıkalyq forýmy qazirgi zamanǵy ekonomıkalyq, qarjylyq, áleýmettik máselelerdiń sheshý joldaryn izdeýde álemniń ozyq oıshyldaryn biriktirgen halyqaralyq jıyn bolyp tabylady. Jahandyq konferentsııa uıymdastyrýshylary - Qazaqstan Respýblıkasy Memlekettik qyzmet isteri agenttigi, QR Prezıdentiniń janyndaǵy Memlekettik basqarý akademııasy, Qazaqstandaǵy BUU Damý Baǵdarlamasy.

Vırtýaldy joba barysynda memlekettik qyzmet júıesin jańǵyrtýdyń ártúrli qyrlaryn talqylaý josparlanýda, sonymen qatar, memlekettik qyzmetshiler qyzmetiniń tıimdiligin baǵalaý, olardyń ilgerleýi men eńbekaqy tóleý júıesindegi ózekti trendter, óńirlik yntymaqtastyqty damytý, onyń ishinde memlekettik qyzmet salasyndaǵy Óńirlik hab sheńberinde qarastyrylady.