7 adamnyń ólimine ákelip soqqan kólik apatynan keıin Aqmola oblysynda «Joldaǵy traktor» jedel-aldyn alý sharasy ótýde
ASTANA. 24 shilde. QazAqparat - Aqmola oblysynda 7 adamnyń ólimine sebepshi bolǵan aýyl sharýashylyǵy tehnıkasynyń qatysýymen bolǵan jol-kólik apatynan keıin
«Joldaǵy traktor» jedel-aldyn alý sharasy ótkizilýde, dep habarlaıdy Aqmola oblysy Іshki ister departamentiniń baspasóz qyzmeti.
Habarlanǵanyndaı, oblys aýmaǵynda jedel-aldyn alý sharasy 24-26 shilde aralyǵynda ótkizilmek.
«Osyǵan oraı jol polıtsııasynyń qosyndary men jasaqtary kúsheıtilgen jumys rejimine aýystyryldy. Polıtseılerdiń nazary kólik júrgizýshilerine ǵana emes, sonymen qatar jaıaý júrginshilerge, ásirese aýyl sharýashylyǵy tehnıkalary júrgizýshilerimen jasalatyn jol-kólik erejelerin buzý faktilerin anyqtaý jáne aldyn alýǵa erekshe bólinetin bolady», - delingen habarlamada.
