7 adamnyń qazasynan keıin Atyraý oblysyndaǵy vahtalyq aýyldardy tekserip jatyr
ATYRAÝ. Qazaqparat - Atyraý oblysyndaǵy vahtalyq aýyldardaǵy jataqhanalarda tekseris júrgizilip jatyr, dep habarlaıdy «QazAqparat» HAA-nyń óńirdegi menshikti tilshisi.
«7 adamnyń ómirin jalmaǵan Qarataban eldi mekenindegi jataqhanalardyń birinde bolǵan órtten keıin vahtalyq aýyldardaǵy jataqhanalarda tekseris júrgizý týraly sheshim qabyldandy. Bundaı tekseris Teńiz ken ornynda júrgizildi. Ol jerde TShO jańa zaýyttyń qurylysyn bastap ketken bolatyn. 26 sáýirge deıin basqa kompanııalardyń jataqhanalary da tekseriletin bolady», - dep habarlady memlekettik eńbek ınspektsııasy basqarmasynyń basshysy Igilik Áýbákirov.
Basqarma basshysynyń aıtýynsha, órtengen jataqhanada turyp kelgen jumysshylar qazirgi kezde úıdi-úıine jiberilgen. Jumys berýshiler olarǵa jalaqysyn tólep tur. Al órtengen jataqhananyń ornyna jańa jataqhana turǵyzylady.
