«7-20-25»: Tarazda 400-ge jýyq turǵyn baspanaly boldy
TARAZ. QazAqparat – Tarazda «7-20-25» ıpotekalyq baǵdarlamasy boıynsha 400-ge jýyq turǵyn baspana aldy, dep habarlaıdy QazAqparat tilshisi.
Baǵdarlama aıasynda páterler 15-móltek aýdanda jəne «Araı-2» alqabynda satylyp jatyr. Bul týraly Taraz qalalyq turǵyn úı qatynastary bóliminiń bas mamany Dılıa Sókjanova «Jambyl oblysy jastar uıymdarynyń Qaýymdastyǵy» zańdy tulǵalar birlestiginiń uıymdastyrýymen ótken bes áleýmettik bastamanyń oryndalýy boıynsha oblystyq konferentsııada málimdedi.
Sondaı-aq sala mamany «Baqytty otbasy» keshendi baǵdarlamasy aıasynda 300 azamattyń qujaty maquldanǵanyn habarlady. Ol áleýmettik bastamanyń elimizde iske asyrylý barysyna júrgizilgen monıtorıngte Turǵyn úı qurylys jınaqtaý banki salymshysy men «7-20-25» ıpotekalyq baǵdarlamasy arqyly alatyn qyzmet alýshylardyń quqyqtary birdeı saqtalmaıtyndyǵy anyqtalǵanyn aıtyp ótti. Aıta keteıik, «Jambyl oblysy jastar uıymdarynyń Qaýymdastyǵy» zańdy tulǵalar birlestigi QR Aqparat jáne qoǵamdyq damý mınıstirliginiń «Azamattyq bastamalardy qoldaý ortalyǵy» kommertsııalyq emes aktsıonerlik qoǵamynyń «Bes áleýmettik bastama boıynsha »Azamattyq baqylaý« qoǵamdyq monıtorıngi» taqyrybymen memlekettik grant ıegeri atanǵan bolatyn. Іs-shara osy atalǵan grant aıasynda ótkizildi.
