«7-20-25»: Páter alýshylardyń sany kúrt ósti

ASTANA. QazAqparat - Úkimette QR Ulttyq banki tóraǵasynyń orynbasary Oleg Smolıakov «7-20-25» baǵdarlamasyn júzege asyrý barysy týraly baıandady, dep habarlaıdy QazAqparat.

«Shildede «7-20-25» baǵdarlamasy bastaldy. Bir aıdyń ishinde 4,8 mlrd teńgeniń zaımy maquldandy. Sonymen birge, bul baǵyttaǵy qarqyn eleýli túrde artyp keledi», -dedi ol.

Onyń sózine qaraǵanda, tamyzdyń tek birinshi onkúndigindegi qarjy bıylǵy shilde aıyndaǵy kórsetkishpen salystyrmaly bolyp otyr.

«Nátıjesinde, 10 tamyzdaǵy jaǵdaı boıynsha berilgen ótinimder sany 1 330-ǵa jetip, jalpy kólemi 15,5 mlrd teńgeni qurady. Jalpy alǵanda, 9,8 mlrd teńge maquldanyp, atalǵan baǵdarlama aıasynda 3,6 mlrd teńge somasynda nesıe berildi», - dedi O. Smolıakov.