«7-20-25» men «Baspana hıt» baǵdarlamalary boıynsha qansha ótinim maquldandy

NUR-SULTAN. QazAqparat – Ótken jyly 7-20-25» baǵdarlamasy boıynsha 326,2 mlrd teńgege 27 700 ótinim maquldandy. Bul týraly Úkimet otyrysynda QR Ulttyq banki tóraǵasy Erbolat Dosaev aıtty, dep habarlaıdy QazAqparat tilshisi.

«Ulttyq banktiń qarjylandyrýy esebinen turǵyn úı qurylysyn qoldaý jalǵasýda. «7-20-25» baǵdarlamasy boıynsha 2020 jylǵy 30 jeltoqsanda 567,3 mlrd teńgege 48 355 ótinim qabyldandy. 326,2 mlrd teńgege 27 700 ótinim maquldandy. Onyń ishinde 258,7 mlrd teńgege 22 169 qaryz berildi», - dedi UB tóraǵasy.

Sonymen qatar ol «Baspana hıt» naryqtyq ıpotekalyq baǵdarlamasy boıynsha 2020 jylǵy 30 jeltoqsanda 868,6 mlrd teńgege 95 719 ótinim qabyldanǵanyn aıtty.

«457,4 mlrd teńgege 50 939 ótinim maquldandy, 370,1 mlrd teńgege 42 166 qaryz berildi», - dedi Erbolat Dosaev.