«7-20-25»: Qostanaılyqtarǵa baspanaly bolýdyń tetikteri túsindirildi
Qostanaıda «7-20-25» memlekettik turǵyn úı baǵdarlamasy bastalǵaly beri 339 ótinish qabyldanyp, turǵyndarǵa 2,4 mlrd teńge qaryz berildi. Búginde ótinishterdiń 223-i maquldandy.
«Nur Otan» partııasy Qostanaı oblystyq fılıaly men bank qyzmetkerleri birlesip arnaıy aktsııa uıymdastyrdy. Maqsat - «7-20-25» baǵdarlamasynyń negizgi tetikteri jaıly aqparat berý. Aktsııa aıasynda birer saǵattyń ishinde 100-ge jýyq qala turǵyny óz saýaldaryn joldap, tushymdy jaýap ala aldy.
«Elimizde «7-20-25» baǵdarlamasymen baspanaly bolýdyń joldary áldeqaıda jeńildedi. Osy rette baǵdarlamanyń túsiniksiz tustary, túıtkildi máselelerin anyqtaý úshin «Nur Otan» partııasy arnaıy qoǵamdyq qabyldaýdy ótkizdi. Bastysy, oblystyń ár turǵyny baǵdarlamanyń qatysýshysy atana alatynyn túsindirý. Búginge deıin Tsentr kredıt, Halyq banki, Eýrazııa banki, Tsesna Bank, Jınaqtaýshy bank, ForteBank , Turǵynúıqurylysjınaq banki baspana alý úshin qaryz berýge daıyn ekendigin jetkizdi», - deıdi partııa ókilderi.
Al, oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Gúlnar Ábenovanyń sózine sensek, óńirde 17 otbasy saıajaı alqaptary men ýaqytsha lashyqtarda, 10 otbasy qamystan jasalǵan úıde, 360 otbasy jaldamaly turǵyn úıde jáne 36 otbasy jataqhanada turady. Mine, atalǵan otbasylar birinshi kezekte áleýmettik kómekterge ıe bolady.
Buǵan deıin habarlaǵanymyzdaı, «7-20-25» baǵdarlamasy sheńberinde kópbalaly otbasylar úshin turǵyn úıge bastapqy jarnany sýbsıdııalaý sheńberinde 84,0 mln teńge somasynda paıyzsyz qaryz beriledi.
