«7-20-25»: Qostanaıda 11 kóppáterli úı paıdalanýǵa beriledi
QOSTANAI. QazAqparat - Qostanaı oblysynda «7-20-25» turǵyn úı baǵdarlamasy sheńberinde 421 ótinim tústi, dep habarlaıdy QazAqparat qurylys, sáýlet jáne qala qurylysy basqarmasy basshysynyń orynbasary Serik Beısembaevqa silteme jasap.
Bıyl Qostanaı oblysynda 11 kóppáterli turǵyn úı paıdalanýǵa beriledi. Bul úılerdiń deni «ıÝbıleınyı» shaǵynaýdanynda boı kótermek. Baspanany aımaqtaǵy iri qurylys kompanııasy sanalatyn «BK-Stroı» JShS turǵyzýda. Kompanııa, aldymen memlekettik baǵdarlama boıynsha 252 páterdi satýǵa qoıady.
«Búginge deıin «7-20-25» turǵyn úı baǵdarlamasy sheńberinde oblys boıynsha 2 mlrd 989 mln teńgege 421 ótinim tústi. Onyń ishinde 1 mlrd 950 mln teńge somasyna 273 ótinim maquldandy. Budan bólek, baǵdarlamany iske asyrý úshin ekinshi jarty jyldyqta oblıgatsııalyq qaryzdar esebinen salynyp jatqan kredıttik turǵyn úılerdiń berilýine qaraı ekinshi deńgeıdegi bankterge 368 bıýdjettik páter berý josparlanǵan»,- dedi S. Beısembaev.
Jalpy, 2018 jyly qoldanysqa berilmegen páterlerdi eskere otyryp, ekinshi deńgeıdegi bankterge 600-den astam páter beriledi. Sondaı-aq, «Tobyl» áleýmettik qoldaý qory Qostanaı aýdanyndaǵy «Severnyı» shaǵynaýdanynda 21 turǵynǵa bastapqy jarna úshin 14,6 mln teńge kóleminde paıyzsyz qaryz berdi. Atalǵan shaǵyn aýdandaǵy páterler medıtsına qyzmetkerleri, pedagogtar, ishki ister organdarynyń qyzmetkerlerine arnalǵan.
S. Beısembaevtyń aıtýynsha, QR Úkimeti azamattarǵa 1 mln teńgege deıin bıýdjettik nesıe túrinde áleýmettik kómek berýi tıis. Qazir turǵyn úı sertıfıkattaryn berý týraly zańǵa túzetýler engizilýde. Buǵan jergilikti atqarýshy bılik te úles qosady.
