«7-20-25»: Qazaqstanda 85 myńnan astam azamat baspanaly boldy
ASTANA. KAZINFORM — «7-20-25» baǵdarlamasyn iske asyrý aıasynda 2026 jylǵy 25 maýsymdaǵy jaǵdaı boıynsha 1,223 trln teńgege 85 577 qaryz berildi, dep habarlaıdy Ulttyq banktiń baspasóz qyzmeti.
Aıta keteıik, qazirgi ýaqytta «7-20-25» baǵdarlamasy nesıe boıynsha tómen 7 paıyzdyq mólsherlemesimen (JTSM - 7,2%) erekshelenetin ıpotekalyq baǵdarlama. Áleýmettik baǵdarlama árbir qazaqstandyq úshin qoljetimdi nesıe berý sharttarymen turǵyn úı jaǵdaılaryn jaqsartý úshin jańa múmkindikter beredi.
Bastapqy jarna mólsheri turǵyn úı qunynyń 20% jáne odan joǵary mólsherinde belgilenedi (Astana, Almaty (shekaralas aımaqtardy qosa alǵanda), Aqtaý, Atyraý, Shymkent qalalary úshin turǵyn úıdiń eń joǵarǵy quny 30 mln teńge, Qaraǵandy qalacy úshin 25 mln teńge jáne basqa óńirler úshin 20 mln teńge), qaryzdyń óteý merzimi 25 jylǵa deıin ulǵaıtyldy. Qaryz alýshydan qaryzdy berý jáne qyzmet kórsetý úshin komıssııa alynbaıdy.
Qazaqstanda tuńǵysh ret baǵdarlamaǵa qatysýshynyń ózi tańdaı alatyn qurylys salýshylardyń tek bastapqy naryǵyna arnalǵan turǵyn úı baǵdarlamasy qabyldandy.
«Qazaqstannyń ornyqtylyq qory» AQ «7-20-25» baǵdarlamasynyń operatory bolyp esepteledi.
Osyǵan deıin Qazaqstannyń ornyqtylyq qory ózin ıpotekalyq broker, keńesshi nemese deldal retinde tanystyratyn «kómekshiler» tarapynan alaıaqtyq jaǵdaılarynyń jıilep ketkenin habarlady.
