7-20-25: Ipoteka alýshynyń notarıýstyq shyǵyndary 10 myń teńgeden aspaýy kerek
2018 jylǵy tamyzda qaryz alýshy «7-20-25» ıpotekalyq baǵdarlamasy aıasynda satyp alǵan jyljymaıtyn múlkin satyp alý-satý shartyn kýálandyrý úshin Almaty qalasynyń jekemenshik notarıýsyna júgingen. Notarıýs jyljymaıtyn múlikti ıelikten shyǵarý týraly shartty kýálandyrǵany úshin 10 AEK-ten jáne tehnıkalyq jáne quqyqtyq sıpattaǵy qosymsha qyzmetter kórsetkeni úshin 7 AEK-ten quralatyn 42 925 teńge (17 AEK) mólsherindegi somany óndirip alǵan.
Keıin klıent Qazaqstan Respýblıkasynyń zańnamasyn basshylyqqa ala otyryp, notarıýsqa júginip, odan zańsyz ustalǵan somany qaıtarýdy talap etedi. Qazaqstan Respýblıkasynyń Salyq kodeksine jáne «Notarıat týraly» QR Zańyna sáıkes ıpotekalyq turǵyn úı qaryzynyń qarajaty esebinen satyp alynatyn jyljymaıtyn múlikti satyp alý-satý shartyn kýálandyrý boıynsha notarıattyq qyzmettiń quny notarıattyq is-áreketterin jasaǵany úshin memlekettik bajdyń qunynan (2 AEK) jáne tehnıkalyq jáne quqyqtyq sıpattaǵy notarıattyq is-áreketteri qunynan (2AEK) quralady jáne 4 AEK bolady.
Alaıda, notarıýs talap etiletin somany qaıtarýdan bas tartyp, osydan keıin qaryz alýshy sotqa júgingen. «Baspana» ıpotekalyq uıymy qaryz alýshynyń dálelderin qoldaı otyryp, sotqa «7-20-25» baǵdarlamasy sheńberinde turǵyn úıdi satyp alý tártibi men talaptary týraly túsinikteme berdi. Nátıjesinde klıent azamattyq isti jeńip, artyq tólegen 32 825 teńge mólsherindegi somany qaıtaryp aldy.
«Turǵyn úıdi ıpoteka esebinen satyp alǵan jaǵdaıda, qaryz alýshylardyń shyǵyndary 2019 jyly 4 AEK nemese 10 100 teńge bolýy tıis», - dep atap kórsetti ıpotekalyq uıym basshylyǵy.
Maýsymnyń basyndaǵy jaǵdaı boıynsha, notarıýstar «7-20-25» baǵdarlamasy boıynsha turǵyn úıdi satyp alý-satýdyń 6 700 shartyn kýálendirgen.
