17:30, 30 Mamyr 2019 | GMT +6
«7-20-25» boıynsha 7 894 adamnyń ótinishi maquldandy
NUR-SULTAN. QazAqparat - Qazaqstanda «7-20-25» ıpotekalyq turǵyn úı baǵdarlamasy boıynsha 7 894 ótinish maquldandy. Bul týraly QR Ulttyq bankinen málim etti, dep habarlaıdy QazAqparat.
«7-20-25» baǵdarlamasyn iske asyrý sheńberinde 2019 jylǵy 30 mamyrdaǵy jaǵdaı boıynsha qaryz alýǵa 151,1 mlrd teńge somasyna 13 319 ótinish qabyldandy. Onyń ishinde 91,4 mlrd teńge somasyna qaryz berýge 7 894 ótinish maquldandy», - dedi banktiń baspasóz qyzmetinen.
Eske salaıyq, atalmysh baǵdarlama boıynsha ıpotekany turaqty tabysy bar jáne baspanasy joq Qazaqstan azamattary ala alady. Alǵashqy jarna - 20%, jyldyq syıaqy kólemi - 7%, zaımdy berý merzimi 25 jylǵa deıin.
