7-20-25: Bes myńǵa jýyq ótinim maquldandy

ASTANA. QazAqparat - «7-20-25» baǵdarlamasy aıasynda qaryz berýge 4 997 ótinish maquldandy. Bul týraly QR Ulttyq bankiniń baspasóz qyzmeti habarlady.

«7-20-25» baǵdarlamasyn iske asyrý aıasynda 2019 jylǵy 20 qańtardaǵy jaǵdaı boıynsha, qaryz alýǵa 98,2 mlrd teńge somasyna 8 866 ótinish qabyldandy. Onyń ishinde 57,4 mlrd teńge somasyna qaryz berýge 4 997 ótinish maquldandy», - delingen taratylǵan málimette.

Aıta ketý kerek, «7-20-25» baǵdarlamasy Memleket basshysynyń 2018 jylǵy 5 naýryzdaǵy 5 áleýmettik bastama týraly usynysynyń aıasynda bekitildi.

Budan buryn habarlanǵandaı, QR Ulttyq banki tóraǵasy atalǵan baǵdarlamanyń operatory «Baspana» ıpotekalyq uıymy bolatynyn aıtqan edi.