«7-20-25»: «Baspana» ıpotekalyq kompanııasy qosymsha 150 mlrd teńge bóledi

ASTANA. QazAqparat - QR Investıtsııalar jáne damý mınıstri Jeńis Qasymbek «Baspana» ıpotekalyq uıymy nesıelik turǵyn úı qurylysyna 150 mlrd teńge somasynda óz úlesin qosýǵa nıetti ekenin aıtty, dep habarlaıdy QazAqparat.

«Búginde baspana qurylysynda revolverlik turǵyda, ıaǵnı nesıelik turǵyn úıge árbir eki jylda 270 mlrd teńge aınalyp turady. Endi osy baǵdarlamaǵa Ulttyq bankpen qurylǵan «Baspana» uıymy óz úlesin qosýǵa nıetti. Atap aıtqanda, osy ıpotekalyq uıymy nesıelik turǵyn úı qurylysy maqsatynda óńirlerge qosymsha 100-150 mlrd teńge bólý bastamasyn kóterdi. Sońǵy sheshimdi kompanııa qashan qabyldaıtyndyǵy týraly málimet mende joq. Alaıda buǵan deıin osyndaı usynys jasalǵan edi», - dep toqtaldy mınıstr.

J. Qasymbektiń sózine qaraǵanda, eger de osyndaı sheshim qabyldansa, onda aıtarlyqtaı qomaqty soma revolverlik negizde turaqty túrde nesıelik baspana qurylysy naryǵynda aınalymda bolady.

«Búginde Úkimet 270 mlrd teńge bólýde. Sonymen qatar, Ulttyq bank tıisti sheshim jasasa, onda «Baspana» uıymy da bul protseske qatysady. Atalǵan soma aıtarlyqtaı qomaqty», - dedi vedomstvo basshysy.

Jeńis Qasymbektiń atap ótýinshe, «Baspana» bul somany naryqtyq jaǵdaılarda usynady.

Aıta keteıik, QR Ulttyq bankiniń enshiles uıymy «Baspana» ıpotekalyq kompanııasy «7-20-25» turǵyn úı baǵdarlamasynyń operatory bolyp tabylady.