7-20-25: Bankter 2,5 myńǵa jýyq ótinimdi nege maquldamady

ASTANA. QazAqparat - «7-20-25» baǵdarlamasy aıasynda jalpy somasy 72 mlrd teńge bolatyn 6 165 ótinim maquldandy. Bul týraly búgin «Nurly jer» baǵdarlamasy qaralǵan Úkimet otyrysynda «Baspana» ıpotekalyq uıymynyń basqarma tóraǵasy Qaırat Altynbekov aıtty, dep habarlaıdy QazAqparat tilshisi.

«7-20-25» baǵdarlamasy 2018 jyldyń shildesinde qosyldy. Baǵdarlamany iske asyrý 8 bank arqyly júzege asyrylýda. 14 naýryzdaǵy málimet boıynsha 120 mlrd teńge somasyna 10 500 ótinim berildi. Onyń ishinde bankter 72 mlrd teńge somaǵa 6 165 ótinimdi maquldady. 58 mlrd teńgege 4 868 nesıe berilip, «Baspana» ıpotekalyq uıymy 49 mlrd teńgege 4 132 nesıe satyp aldy. Jyl basynan beri berilgen nesıe portfeli 49 paıyzǵa ulǵaıyp, 19 mlrd teńgege 1 639 nesıe berildi», - dedi ol.

Ipotekalyq uıym basshysynyń dereginshe, ortasha alǵanda aı saıyn 7,6 mlrd teńgege 630-ǵa jýyq nesıe beriledi.

«Baǵdarlama iske qosylǵan ýaqyttan bergi barlyq berilgen ótinishterdiń 23 paıyzy nemese 2 457 ótinim bankter tarapynan maquldanbady. Onyń negizgi sebepteri - nesıe tarıhynyń buzylýy jáne resmı tabystarynyń bolmaýy. Nesıe alýshylardyń negizgi bóligin 25-pen 35 jas aralyǵyndaǵylardy quraıdy», - dedi Q.Altynbekov.

Onyń aıtýynsha, ıpotekalyq nesıeniń ortasha somasy Astana, Almaty, Aqtaý jáne Atyraý qalalarynda 13 mln, qalǵan óńirlerde 9 mln teńge. Nesıe 20 jyl merzimge beriledi.

«Bul qazirgi tańda baǵdarlama aıasynda qoıylǵan shekti baǵalalardyń azamattarǵa baspana alýǵa keń kólemde múmkindik berip otyrǵanyn kórsetedi jáne páter baǵasynyń ósýine tejeýde», - dedi ol.