7-20-25 baǵdarlamasynyń negizgi baǵyttary bekitiledi
ASTANA. QazAqparat - Mamyr aıynyń sońyna deıin QR Ulttyq banki «7-20-25» baǵdarlamasynyń negizgi baǵyttaryn bekitedi. Bul týraly QR Ulttyq banki tóraǵasynyń orynbasary Oleg Smolıakov málim etti, dep habarlaıdy QazAqparat tilshisi.
«Memleket basshysynyń ıpotekany qoljetimdi etý boıynsha birinshi áleýmettik bastamasy baǵdarlamasyn bekitýge daıynbyz. Mamyr aıynda atalǵan baǵdarlamanyń bazalyq erejesin qabyldaý josparlanǵan», - dedi O. Smolıakov Senatta ótken dóńgelek ústelde.
Sonymen birge, Ulttyq bank ókili baǵdarlamanyń qurylymy týraly áńgimelep berdi.
«Baǵdarlama 7 protsenttik mólsherlemeden, 20 protsentten aspaıtyn bastapqy jarnadan jáne 25 jylǵa deıingi nesıe merziminen quralǵan. Mundaǵy negizgi qaǵıda - mólsherlemeniń kóbeıtilmeýi, ıaǵnı qaryzdy berýde, qyzmet kórsetýde eshqandaı komıssııa alynbaıdy. Basty talap - resmı kiris kóziniń bolýy, eńbek nemese kásipkerlik qyzmetiniń rastalýy. Ol úshin salyq organdarynyń nemese BJZQ anyqtamasyn ákelýge bolady. ıAǵnı, bul baǵdarlama memlekettik qyzmetkerlerge de, kásipkerlerge de arnalǵan», - dep túsindirdi ol.
«Nurly jer» baǵdarlamasymen baspana berýde úı salýshylar nemese agentten tikeleı satyp alynatyn jańa baspanalarǵa basymdyq beriledi.
«Bizdiń oıymyzsha, baǵdarlamanyń áleýeti zor - bes jylda shamamen trıllıon teńge aınalymǵa túsedi. Jylyna shamamen 200 mlrd teńge jańa ıpotekalyq nesıeler rásimdeledi», - deıdi Oleg Smolıakov.
Buǵan deıin «7-20-25» baǵdarlamasynyń 2018 jyldyń ekinshi jartysynda iske qosylatyny habarlanǵan edi.
