«7-20-25» baǵdarlamasyna Turǵyn úı qurylys jınaq banki qatysýy múmkin
«Baǵdarlamanyń seriktes-bankteri «Tsentrkredıt banki», «Halyq Banki», «ATF Bank», «Tsesna Bank», «Bank RBK», «Forte Bank» pen «Eýrazııalyq bank». ıAǵnı iri bankter osy baǵdarlamaǵa jumyldyryldy dep aıtýǵa bolady. Sonymen qatar, «Turǵyn úı qurylys jınaq banki» men «Sberbank» te áleýetti qatysýshy retinde qarastyrylyp jatyr», - dedi Q. Altynbekov.
Onyń sózine qaraǵanda, barlyq bankter baǵdarlama aıasynda belsendi jumys istep jatyr. Sondyqtan ekinshi deńgeıli bankter tarapynan ótinimder qabyldaý turǵysynda eshqandaı problema joq.
«7-20-25» baǵdarlamasynyń negizgi sharttaryna toqtalsaq, jyldyq stavka 7 paıyz, alǵashqy jarna 20 paıyz, nesıe merzimi 25 jylǵa deıin. Bul jaǵdaıda turǵyndar qaryzdy 25 jyldan az merzimge le alýǵa qaýqarly jáne qaryzdy erterek jaba alady. Astana, Almaty, Atyraý, Aqtaý men Shymkent qalalarynyń turǵyndary quny 25 mıllıon teńgege deıin, basqa óńirlerdiń turǵyndary 15 mıllıon teńgege deıin baspana alýǵa múmkindigi bar. Ipotekany maquldaý kezindegi basty faktorlar retinde azamattyń tólem qabileti, atynda basqa ıpotekalyq qaryzdardyń joqtyǵy nazarǵa alynady.
