«7-20-25» baǵdarlamasyna qarjy KASE arqyly tartylady
QR Ulttyq bankiniń Almaty fılıaly dırektorynyń orynbasary Gúlnar Shemetovanyń aıtýynsha, qarjylyq retteýshi únemi ıpotekalyq naryqty damytý men klıentterdi qoldaý boıynsha maqsatty jumys atqaryp keledi.
«7-20-25» - ár otbasy úshin baspanaly bolý múmkindigi» baǵdarlamasy - osy baǵyttaǵy mańyzdy qadam.
Aıta ketý kerek, bul baǵdarlama týraly bastamany Memleket basshysy Nursultan Nazarbaev «Prezıdenttiń 5 áleýmettik bastamasy» aıasynda kótergen bolatyn.
«Baǵdarlama operatory «Baspana ıpetokalyq uıymy» oblıgatsııa shyǵaryp, ony ornalastyrý arqyly naryqtyq qarjy tartý mehanızmin paıdalanady. Operator Qazaqstan qor bırjasyna (KASE) 1 trln teńgeden asa qarajat tartýdy josparlap otyr. Odan túsken aqshany ekinshi deńgeıli bankterdiń baǵdarlama boıynsha bergen ıpotekalyq nesıelerin satyp alýǵa jumsaıdy»,- dedi Gúlnar Shemetova.
Onyń aıtýynsha, Ulttyq banktiń Almaty fılıaly «7-20-25» baǵdarlamasyn júzege asyrý barysynda ákimdik pen «Baspana» IU arasyndaǵy aqparattyq baılanysty qamtamasyz etip keledi.
Apta saıyn Almaty ákimdigine baǵdarlama aıasynda berilgen nesıeler sany boıynsha aqparat berilip otyrady. Sonymen qatar, bul aqparat bólimsheniń Feısbýktegi paraqshasynda da jarıaılanǵan.
«Sondaı-aq, baǵdarlama boıynsha qala halqyna aqparattyq-túsindirme jumystary júrgizilip otyrady. Mysaly Abaı atyndaǵy Qazaq Ulttyq Pedagogıkalyq ýnıversıtetiniń Sorbonna-Qazaqstan Instıtýtynda arnaıy lektsııa jáne qalalyq Tótenshe jaǵdaılar departamentiniń basshylyq quramymen kezdesý ótti. Bólimshe qyzmetkerleri «Baspana» IU ókilderimen birlese otyryp, ákimdik ókilderi úshin baǵdarlama sharttaryn túsindirý maqsatynda kezdesý ótkizdi», - dedi G.Shemetova.
Munyń aldynda ıpotekalyq uıymnyń basqarma tóraǵasynyń orynbasary Talǵat Baıdosov «7-20-25» boıynsha Almatyda qaı jerde baspana salynatynyn aıtqan bolatyn.
