«7-20-25» baǵdarlamasyn júzege asyrýǵa trıllıon teńge tartylady - QR Prezıdenti

ASTANA. QazAqparat - «7-20-25» baǵdarlamasyn júzege asyrýǵa trıllıon teńge tartylady. Bul týraly búgin QR Parlamenti palatalarynyń birlesken otyrysynda Elbasy Nursultan Nazarbaev aıtty, dep habarlaıdy QazAqparat. 

Memleket basshysynyń atap ótýinshe, «7-20-25» baǵdarlamasyn júzege asyrý úshin Ulttyq bank pen Úkimet birlese jumys isteýi qajet.

"Ulttyq banktiń, ekinshi deńgeıli bankter men qor naryǵynyń múmkindikterin iske qosý kerek. Ulttyq bank keminde 1 trıllıon teńge qarjy tartatyn arnaıy kompanııa quryp, ol qarjyny bankterdiń joǵaryda aıtylǵan sharttar boıynsha beretin jańa ıpotekalyq nesıelerin satyp alýǵa jumsaýy qajet", - dedi Elbasy. 

Qazaqstan Prezıdentiniń paıymynsha, baǵdarlamany júzege asyrý nátıjesinde mıllıon qazaqstandyq baspana alý múmkindigine ıe bolady.

«Buǵan qosa, ekonomıkanyń shaǵyn jáne orta bıznestiń ósýine jumys istep, jańa jumys oryndary qurylady. Men ár ýaqytta da Qazaqstan úshin qurylys, ásirese turǵyn úı qurylysy óte úlken mýltıplıkatıvti áseri bar ekendigin aıtyp kelemin. Turǵyn  úı qurylysy - bul  qurylys materıaldary, metaldar, jıhazdar. Sizder munyń barlyǵyn bilesizder. ıAǵnı, munyń tóńireginde bıznestiń basym bóligi damyp, jalpy ekonomıkamyzdyń ósimine ákeledi. Eń bastysy bizdiń kóptegen azamattarymyzdyń, ásirese jas otbasylardyń armany shyndyqqa aınalady», - dedi Nursultan Nazarbaev.

Aıta keteıik, búgin QR Parlamenti palatalarynyń birlesken otyrysynda Elbasy Nursultan Nazarbaev qazaqstandyqtardy baspanamen qamtamasyz etýge baǵyttalǵan jańa baǵdarlamany jarııa etken bolatyn.