«7-20-25» baǵdarlamasy jalǵasýy múmkin - Eraly Toǵjanov

NUR-SULTAN. QazAqparat – QR Premer-Mınıstriniń orynbasary Eraly Toǵajanov Úkimet otyrysynan keıin BAQ ókilderiniń saýaldaryna bergen jaýabynda «7-20-25» baǵdarlamasy jalǵasýy múmkin ekeni týraly aıtty, dep habarlaıdy QazAqparat tilshisi.

«7-20-25» baǵdarlamasyn jalǵasýy múmkin dep oılaımyn. Al bıýdjettiń múmkindigin aıtý úshin esepteý kerek. Bul ońaı másele emes», - dedi vıtse-premer.

Sondaı-aq ol «Báıterek» ulttyq basqarý holdınginiń basqarma tóraǵasy Qanat Shalapaevtyń kommertsııalyq ıpotekanyń paıyzdyq mólsherlemesin sýbsıdııalaý týraly usynysyna pikir bildirdi.

«Bul másele boıynsha eshkim sheshim qabyldap jatqan joq qoı. Kez kelgen adam naqty usynys engizýge haqyly. Ondaı usynystardyń bolýǵa haqysy bar. Túptep kelgende qalypty usynys»,- dedi Premer-Mınıstrdiń orynbasary.

Aıta keteıik, Úkimet otyrysynda «Báıterek» UBH» AQ basshysy «7-20-25» ornyna jańa ıpotekalyq baǵdarlamany usynǵan bolatyn.