7-20-25 baǵdarlamasy: Tarazdyqtar mereke qarsańynda baspanaly boldy
TARAZ. QazAqparat - Tarazda «Nurly jer» baǵdarlamasynyń aıasynda jańa 15-shi shaǵyn aýdanda úı salynyp, Táýelsizdik kúni merekesiniń qarsańynda turǵyndarǵa berildi, dep habarlaıdy QazAqparat.
Aıta keteıik, halyqaralyq «Ancient Taraz-2018» týrıstik forýmynyń aıasynda Dostyq úıinde Taraz qalasynyń ákimi Ǵalymjan Ábdiraıymov 15-shi shaǵyn aýdannyń tanystyrylymyn jasady. Sondaı-aq ol oblys ortalyǵyn damytý baǵdarlamasymen jáne «Nurly jer» baǵdarlamasynyń júzege asyrylý barysymen tanystyrdy.
Búgin 880 páter paıdalanýǵa berildi. Turǵyndar, qala ákiminen páter kiltterin aldy. Baspana alǵandardyń qatarynda Ekinshi dúnıejúzilik soǵys ardagerleri, jetim balalar, tolyq emes jáne kópbalaly otbasylar bar. Baspanamen qamtylǵandardyń basym bóligi 7-2025 baǵdarlamasynyń qatysýshylary jáne «Turǵyn úı qurylys jınaq bankiniń» salymshylary. Úıler «Nurly jer» baǵdarlamasynyń aıasynda salyndy»,-dedi Ǵalymjan Ábdiraıymov úı ıelerin quttyqtaı otyryp.
Osy kezde salynyp jatqan 15-shi shaǵyn aýdan bolashaqta qalanyń jańa mádenı-iskerlik ortalyǵyna aınalady. Onda úlken kommertsııalyq jáne ákimshilik ǵımarattar boı kóteredi.
«Turǵyn úı qurylys jınaq bankinen» depozıt ashyp, aı saıyn tıisti tólemin tólep turdyq. Ýaqyt lezde óte shyqty. Sondyqtan biz úshin bul kútpegen jaǵdaı boldy. Bul turǵyn úı alý úshin óte tıimdi sharttar. Osyndaı baǵdarlamaǵa bastamashyl bolǵan Elbasyna rahmet»,-deıdi otbasy músheleri.
Taraz qalasy ákimi Ǵalymjan Ábdiraıymovtyń aıtýynsha, oblys ortalyǵynyń batysynda ornalasqan jáne 30 myń adamǵa arnalǵan shaǵyn aýdanda kóptegen áleýmettik nysandar boı kóteredi.
