«7-20-25» baǵdarlamasy: Qostanaıda qansha adam úı aldy
Arhımed Muhambetov óz sózinde Prezıdenttiń Bes áleýmettik bastamasynyń iske asyrylýy barysyn jan-jaqty habardar etti
«Oblysta 2 myń stýdentke arnalǵan 5 jataqhana qurylysy josparlanǵan. Shaǵyn nesıe berýdi keńeıtý úshin 4,1 mlrd teńge qarastyrylǵan. Qazirge deıin somasy 2,8 mlrd.teńge turatyn 772 shaǵyn nesıe maquldandy. Sonymen birge, ótken eki jylda 8 eldi meken gazdandyryldy. Aldaǵy 2 jylda taǵy 4 eldi mekenge gaz jetkiziletin bolady», - dedi oblys basshysy.
Onyń aıtýynsha, Qostanaı oblysynda turǵyn úı qurylysyna erekshe nazar aýdarylyp otyr. Jyl basynan beri oblysta 17 paıyzdyq ósimmen 227,6 myń sharshy metr turǵyn úı paıdalanýǵa berilgen.
«7-20-25» baǵdarlamasynyń sheńberinde bizge 58 ótinim qaraýǵa kelip tústi. Olardyń ishinde 45 ótinim maquldandy. Elbasynyń tikeleı tapsyrmasy negizinde bastapqy jarnalardy jeńildetilýdi sýbsıdııalaý úshin «Tobyl» ÁKK tıisti qarajattyń bárin bóldi. ıAǵnı, jergilikti bıýdjetten 83,7 mln teńge bólindi. Jalpy alǵanda, jyl qorytyndysy boıynsha 352 nesıe berý josparlanýda», - dedi Arhımed Muhambetov.
Sonymen birge, oblys basshysy 2019 jyldyń 1 qańtarynan bastap jalaqysy az 57200 adamnyń salyq júktemesi tómendetilgen, ol baǵytta 1 mlrd 600 mln teńge bólinip otyrǵanyn aıtty.
Eske sala ketsek, atalmysh brıfıngte Arhımed Muhambetov Qostanaı oblysynda jyl basynan beri avtokólik qurastyrý 15,7 paıyzǵa artqanyn aıtqan bolatyn. Onyń sózine qulaq assaq, osyndaı ósimmen Qostanaı oblysy 2023 jylǵa qaraı jylyna 60 myń avtokólik shyǵarýdy kózdep otyr.
Sondaı-aq, aımaq basshysy óńirdegi agroónerkásiptik keshen salasyna tsıfrlyq tehnologııalar qalaı engizip jatqanyn aıtyp bergen edi.
