«7-20-25» baǵdarlamasy qaı oblystarda qarqyndy júrip jatyr
ASTANA. QazAqparat - Parlament Senatynyń depýtattarymen ótken kezdesýde «Baspana» ıpotekalyq uıymy» AQ basqarma tóraǵasy Qaırat Altynbekov «7-20-25» baǵdarlamasynyń júzege asyrylý barysyn baıandady, dep habarlaıdy QazAqparat.
«7-20-25» baǵdarlamasyna ıasynda 18 qazan kúngi aqparat boıynsha, Qazaqstannyń barlyq aımaqtarynan 44,5 mlrd teńge somasyna ótinish kelip tústi. Qazirgi tańda bankter tarapynan 30,1 mlrd teńgege ótinishter maquldandy», - dedi Qaırat Altynbekov.
Onyń atap ótýinshe, qyrkúıek aıynyń kórsetkishteri tamyz aıynan eki ese asty. Sonymen qatar, qazan aıynyń kórsetkishteri qyrkúıekten joǵary bolady dep kútilýde.
«Aımaqtarǵa toqtalsaq, baǵdarlama Astana men Almaty qalalarynda, sondaı-aq Mańǵystaý, Aqmola, Aqtóbe men Shyǵys Qazaqstan oblystarynda qarqyndy iske asýda. «7-20-25» baǵdarlamasy aıasynda halyqqa keń kólemde túsindirý-nasıhat jumystary júrgizilip keledi. Buqaralyq aqparat quraldary men áleýmettik jelilerde barlyq aqparat jedel taratylady, táýlik boıy rejimde call-ortalyq iske qosylǵan», - dedi «Baspana» ıpotekalyq uıymynyń basshysy.
Buǵan deıin «7-20-25» baǵdarlamasyna Turǵyn úı qurylys jınaq banki men Sberbanktiń de qatysýy múmkindigi týraly habarlandy.
